Се намалува нивото на тестостерон
Докажано е дека мажите минуваат низ хормонални промени, и дека нивното ниво на тестостерон значајно се намалува. На тој начин, новите татковци може да бидат повеќе емоционално вклучени и полни со разбирање за своето бебе. Тоа рано зближување помеѓу таткото и бебето ја зацврснува нивната емотивна врска и го менува нивото на хормони во мозокот. Во истражување во 2011 година, откриено е дека нивото на тестостерон кај новите татковци паѓа за дури 40%, што е поврзано токму со зближувањето со бебето.
Се зголемува нивото на окситоцин – хормон на љубовта
Хормонот окситоцин се поризведува кај жените и мажите за време на интимниот контакт, а често се нарекува и хормон на љубовта. Овој хормон е важен за мајката, оти го подготвува телото за успешна бременост и породување, но е важен и за таткото.
Истражувањата покажале дека ваквата хормонална активност кај татковците се јавува уште за време на бременоста на партнерката, а се зголемува ако тетакото е присутен на породувањето.
Кај татковците хормоните, пролактин, вазопресин и окситоцин се на највисоко ниво во периодот околу породувањето.
Окситоцинот кај мајките е поттикнат од одредени работи, како доење и близок физички контакт со бебето, а кај татковците хормонот на љубовта се активира низ игра, смеење на бебето или низ грижа за детето. Колку се продлабочува врската помеѓу бебето и таткото, толку е поинтензивно нивото на окситоцин.
