Третата доза е нова одбранбена линија против пандемијата на Ковид-19, а ако се уште се двоумите дали да ја примите, во продолжение пет работи кои е битно да ги знаете.
Истражувањата покажаа дека е безбедна и ефикасна
Вакцината „Фајзер“ во моментов е единствената одобрена вакцина која има трета доза за оние над 65 години, оние во домови за стари лица, луѓе кои работат работа каде што има поголем ризик од инфекција или оние од 18 до 64 години кои имаат поголема веројатност да развијат потешки симптоми (н.з. кај нас е одобрена за сите лица кои се изложени на ризик независно од возраста). Американската ФДА вели дека истражувањата покажале дека третата доза е безбедна и ефикасна.
„Податоците од мала клиничка студија покажуваат дека третата доза го зголемила имунолошкиот одговор на учесниците кои ја примиле 6 месеци по втората доза. Со зголемен имунолошки одговор, луѓето исто така треба да добијат посилна заштита од Ковид-19 и делта варијантата“, велат од ЦДЦ.
Што може да направи третата доза, а што не?
Ниту третата доза, како и секоја друга вакцина, не обезбедува сто проценти заштита, но може да му помогне на имунолошкиот систем да реагира посилно на инфекцијата, така што ќе бидете подобро заштитени од тешки симптоми, хоспитализација и смрт.
Најчести несакани ефекти по примање на третата доза биле болка, црвенило и оток на местото на инјектирање, замор, главоболка, болка во мускулите и зглобовите и грозница. Отечени лимфни јазли под пазувите исто така биле пријавени почесто отколку по првите две дози
Не земајте аналгетици за да ги ублажите несаканите ефекти
Пред примање на третата доза не земајте лекови против болки, како што се ибупрофен и аспирин, за да ги избегнете несаканите ефекти. Се уште не е познато како овие лекови можат да влијаат на ефектот на вакцината. Меѓутоа, ако ги земате овие лекови редовно за некои други дијагнози, не ги прескокнувајте дури ни пред вакцинацијата, велат од ЦДЦ.
Можни несакани ефекти
Како и со првата или втората доза, некои луѓе може да доживеат несакани ефекти по третата доза. Ова е добар знак дека вашиот имунолошки систем учи како да се бори против инфекцијата со коронавирус. Некои луѓе нема да ги почувствуваат несаканите ефекти, но тоа не значи дека третата доза „не функционира“.
„Најчестите несакани ефекти пријавени во студијата по примање на третата доза биле болка, црвенило и оток на местото на инјектирање, замор, главоболка, болка во мускулите и зглобовите и грозница. Отечени лимфни јазли под пазувите исто така биле пријавени почесто отколку по првите две дози“, велат од ФДА.
И понатаму придржувајте се кон мерките
Третата доза не е 100% заштита и понатаму треба да се почитуваат мерки како што се растојание, миење раце и носење маска во затворени простории каде што има повеќе луѓе, пренесува „Eat this“.
