По породувањето, од родилиштето нема да бидете отпуштени додека лекарот не е сигурен дека состојбата на бебето, но и вашата не се добри и не сте подготвени за излегување. Но, кога ќе стигнете дома и натаму се можни различни ситуации во кои можеби нема веднаш да се снајдете.
Затоа обрнете внимание на следниве симптоми кои треба да ви бидат аларм да се јавите кај педијатарот или во родилиштето и да побарате помош од лекар.
- Екстремна успиеност на бебето (толку долго што не успевате лесно да го разбудите и подоите)
- Неможност на будење на детето
- Екстремна нервоза/иритабилност
- Неможност на смирување на детето на вообичаените начини (подој, преслекување, тешење, галење, носење во раце)
- Изненадни промени во тонусот на мускулатурата
- Необични грчеви
- Изненадно намалување на бебешките активности
- Изненадно намалување на потребата за доење/хранење
- Изненадно недвижење на делови од телото (нозе, раце)
- Мекониум (прва столица кај бебето) по 5. ден од животот
- Помалку од три столици од третиот ден на живот па натаму
- Неуринирање повеќе од 6 часа
- Темна урина
- Видливо вовлечена фонтанела
- Температура над 37,7 кај помлади од три месеци, и температура од 38,5 кај постари од три месеци
Ниту овие симптоми не мора да бидат нужно знаци за нешто сериозно, но ќе добиете совет како да постапите или лекарот ќе ве советува да го донесете бебето на преглед. Ако забележите било што друго на вашето бебе кое ви создава чувство дека нешто не е во ред, послушјате го својот инстикт и направете барем телефонска консултација.
