Кетрин Вилсон живее во Рим, а е мајка на двајца тинејџери.Таа признава дека денес би постапила поинаку во моментот кога почнало ширењето на коронавирусот, кој во Италија зема се повеќе жртви.
“Коронавирусот ја опустоши земјата. Болниците на северот се на работ на пропаст. Единиците за интензивна нега се полни со луѓе на различна возраст. Повозрасни има повеќе, но и има и лица од 40 и 50 години. Улиците се празни, а рестораните затворени. Мора да имате дури и посебна потврда за да го прошетате кучето“, вели таа.
Пред десет дена и во Италија, се беше поинаку, вели Кетрин. Се затворија школите и спортските објекти, но децата имаа многу слободно време, беа здрави и се дружеа на отворено.
“Моите деца полудеа дома. Нивните пријатели излегуваа, а нам не нии беше речено дека е нужно да им се ограничат активностите. Мислевме дека болеста не ги погаѓа децата и само им велевме да мијат раце и ги пуштавме надвор на воздух. Две недели подоцна сфатив дека тоа ми беше најголемата грешка“, вели Кетрин.
Таа има неколку совети за сите родители:
Задржете ги децата дома, оти единствено што можеше да ја спречи или можеби да ја ублажи оваа трагедија во Италија беше социјалното дистанцирање. Ова е единствена ефикасна мерка која помага при забавување на преносот на болеста.
Не гледајте што прават другите родители. Ако децата ви се жалат дека другите родители ги пуштаат децата да излегуваат, вие воопшто не го слушајте тоа.
Бидете внимателни при пазарувањето. Нема причина за складирање на залихи. Во Италија, па дури и сега, се уште е дозволено секој ден да се оди на пазарување, а полиците се секогаш полни. Наместо тоалетна хартија, купете храна која отсекогаш сте сакале да ја зготвите, а за која не сте имале време.
Немојте “манијакално“ да следите се за коронавирусот. Оваа пандемија може да стане застрашувачка. Читањето за неа дополнително го таложи стресот и стравот, и само ве поттикнува на лоши сценарија. Наместо тоа, фокусирајте се на она што конкретно може да се направи. Измијте ги рацете, грижете се за своето здравје и останете дома.
