Сега научниците пронашле објаснување, а нова студија покажува дека дел од луѓето доживуваат “аборативна инфекција“ во која вирусот влегува во телото, но Т-клетките на имуниот систем го чистат во најрана фаза, што значи дека ПЦР и тестовите на антитела бележат негативен резултат.
Околу 15% од здравствените работници, кои биле следени во текот на првиот бран на пандемијата во Лондон, се вклопуваат во ова сценарио. Ова откритие би можело да го раскрчи патот кон нова генерација вакцини кои ќе бидат насочени на одговор на Т-клетките, што би можеле да произведат долготраен имунитет, велат научниците.
Лео Сведлинг, имунолг на Универзитетот во Лондон и главен автор на студијата вели:
“Секој има анегдотски докази за лица кои биле изложени на вирусот, а не подлегнале на инфекција. Но, она што не го знаевме е дали тие лица навистина успеале целосно да го избегнат вирусот или природно ги исчистиле вирусот пред да може да биде откриен на рутинските тестови“.
Најновата студија интензивно ги следела здравствените работници во текот на првиот бран на пандемијата за да ги евидентира знаците на инфекција и имунолошкиот одговор. И покрај високиот ризик од изложеност на вирусот, 58 учесници во ниту еден момент не биле позитивни на КОВИД-19.
Примероците од крв земени од овие лица покажале дека имале пораст на Т-клетките кои реагирале на КОВИД-19, во споредба со примероци кои биле земени пред да завладее пандемијата и во споредба со лица кои воопшто не биле изложени на вирусот.
Истражувањето сугерира дека групата лица веќе имале мемориски Т-клетки од претходни инфекции со други сезонски вируси што ги предизвикале обични настинки, што ги заштитило од КОВИД-19.
“Овие веќе постоечки Т-клетки можат да го препознаат SARS-CoV-2“, вели д-р Сведлинг.
“Оваа студија идентификува (нов) исход – доволна изложеност на вирусот да се активира дел од вашиот имун систем, но недоволна да почувствувате симптоми, да се забележи значајна количина на вирусот и да се покрене одговор на антитела“, вели проф. Александар Едвард, вонреден професор на биомедицинска технологија на Универзитетот Ридинг.
