Во испитувањата пред авторизацијата на вакцината фајзер, вакцинираните деца на возраст од пет до 11 години пријавиле благи до умерено тешки локални и системски реакции. Не се забележанои сериозни случувања поврзани со вакцинацијата, наведува ЦДЦ.
По авторизацијата на вакцината, применети се осум милиони дози, а сериозни нуспојави ретко се пријавувани, пишува во извештајот.
Резултатите од студијата сугерираат дека кај децата по вакцинирањето со Фајзер може да се очекуваат воглавно локални и системски реакции и тоа почесто по втората доза.
Најчестите несакани реакции по вакцинирањето вклучувале болка на местото на инјекцијата, замор или главоболка. Покачена телесна температура почесто се јавувала по примање на втората доза вакцина.
Најчестите пријавени состојби и дијагностички наоди помеѓу посериозни нуспојави биле треска, повраќање и зголемен тропонин. Пријавени се и 15 случаи на миокардитис, од 11 се потврдени. Седум од нив се опоравиле, а четворица биле во процес на опоравување во текот на пријавите.
Миокардитисот е ретка и серизона нуспојава, а се чини дека почесто се јавува кај машкиот пол на возраст од 12 до 29 години. Миокардитисот кај децата на возраст од пет до 11 години се појавува многу, многу ретко, пишува ЦДЦ.
Од Агенцијата истакнуваат дека вакцинацијата и понатаму е најефикасниот начин за спречување на инфекција со КОВИД-19. Вакцината на Фајзер се препорачува за деца од пет до 12 години, а родителите и старателите треба да се информираат дека по вакцинирањето може да се јават локални и системски реакции.
ЦДЦ и ФДА ќе продолжат да ја следат безбедноста на вакцините и навремено да ги ажурираат насоките и препораките поврзани за вакцинирањето против КОВИД-19.
