Мозоците на американските тинејџери физички се промениле во текот на ковид, стареејќи побрзо од вообичаеното, покажува нова студија. Младите учесници во истражувањето исто така информирале за потешки симптоми на анксиозност, депресија и она кое научниците го нарекуваат интернализирани проблеми – што значи дека биле изложени на чувства на тага, ниска самодоверба и страв, како и потешкотии со регулирањето на емоциите – по првата година од ковид пандемијата.
Преку студијата е откриено дека менаталното здравје на тинејџерите и адолесценитите е оштетено во текот на пандемијата.
Тие се едуцираа од дома, далеку од нивните пријатели и познати структури за поддршка и мораа да живеат со неизвесност и страв што дојде со ковидот. Многу родители останаа без работа. Милиони деца ги загубија своите родители и баби и дедовци поради коронавирусот.
Студијата, објавена во пред неколку дена во Biological Psychiatry: Global Open Science, е една од првите што ги проучувала физичките промени во мозокот предизвикани од стрес и анксиозност.
Истражувањето произлегува од поголема студија во која научниците се обиделе да ги разберат родовите разлики во депресијата кај адолесцентите. Откриле дека децата кои ја проживеале првата година од пандемијата имале возраст на мозокот која била постара од нивата вистинска возраст. Мозокот кај децата и младите кои поминале низ почетокот на пандемијата имале раст во подрачјето кое може да помогне во регулирањето на стравот и стресот – амигдала, како и во хипокампусот, дел од мозокот што може да го контролира пристапот на сеќавањата. Ткивата се истенчиле во делот на мозокот што го контролира извршното функционирање – кортексот.
Детскиот мозок природно се менува со текот на времето, но истражувањата откриле дека овие физички промени може да се забрзаат кога личноста поминува низ значителни неволји во детството.
Истражувањата покажале дека луѓето кои се изложени на насилство, запоставување, сиромаштија и семејни проблеми рано во животот имаат побрзо стареење на мозокот и подоцна може да имаат проблеми со менталното здравје.
Иан Готлиб, главен автор на новата студија, вели дека истражувачкиот тим очекувал да открие проблеми со анксиозност, депресија и интернализирани проблеми. “Пандемијата не беше добра за менталното здравје на адолесцентите“, додава Готлиб, професор по психологија на Универзитетот Стенфорд.
Она што не е јасно, вели тој, е дали овие промени во мозокот ќе имаат влијание подоцна во животот. Истражувачкиот тим планира подоцна да спроведе истражување на истите деца за да го следи нивниот развој на мозокот. Постои можност нивните промени во мозокот да биле само моментален одговор на стрес кој ќе се нормализира со текот на времето, додава проф. Готлиб.
