Ново истражување објаснува како вакцината против туберкулоза може да помогне во заштитата од Ковид-19.
На почетокот на пандемијата, студиите почнаа да укажуваат на тоа дека луѓето кои како деца ја примиле таканаречената BCG вакцина имале пониска стапка на инфекција со SARS-CoV-2, пренесува „Ројтерс“.
Истражувањата направени на хрчаци сега покажуваат дека животните вакцинирани со BCG вакцината имале помало воспаление на белите дробови поради Ковид-19 и пониски нивоа на коронавирус во белите дробови.
Комбинирањето на BCG вакцините со вакцините против Ковид-19 „може да понуди синергетска заштита“, рече тимот од Џонс Хопкинс. Во тек се клинички испитувања на BCG вакцините за заштита од Ковид-19
Лекарите од Универзитетот Џон Хопкинс во Балтимор откриле важни разлики во клетките на белите дробови меѓу животните заразени со SARS-CoV-2 кои ја примиле и оние кои не ја примиле BCG вакцина, и тоа го објавиле на bioRxiv пред прегледот.
По инфекцијата со коронавирус, кај животните третирани со BCG вакцината, антителата доаѓале многу побрзо до клетките на белите дробови, механизмите за поправка на белите дробови започнале да делуваат многу побрзо, а воспалението што го оштетува ткивото било потиснато, рече коавторот д-р Вилијам Бишај.
Претходно овој месец, истражувачите во Индија објавија извештај за ефектите на вакцината BCG врз примателите на вакцината против Ковид-19 на Astra Zeneca во мала студија.
Луѓето кои ја примиле вакцината (21 на број) против туберкулоза покажале значително „посилни“ напади на антитела и Т-клетки против коронавирус за разлика од 13 луѓе кои не ја примиле, соопштија научниците на „Research Square“ пред рецензијата.
Комбинирањето на BCG вакцините со вакцините против Ковид-19 „може да понуди синергетска заштита“, рече тимот од Џонс Хопкинс. Во тек се клинички испитувања на BCG вакцините за заштита од Ковид-19.
