Атописки дерматитис е хронично воспалително пореметување на кожата кое се развива на генетски предодредени места на кожата. Најчесто се јавува кај деца: 15 до 20 % од децата на возраст под 7 години страдаат од некаква форма. Често се поврзува со алергии на храна, алергиски ринитис и напади на астма.
Карактеристичен симптом на атопискиот дерматитис е чешањето. АД не е заразен. Не може да се пренесе од едно на друго лице
Светскиот ден на атописки дерматитис се одбележува на 14 септември. На 14 септември 2018 година, беше одбележан првиот Светски ден на атописки дерматитис.
Атопискиот дерматитис најчесто се јавува во детска возраст (најрано започнува од 3. месец на раѓање), но знае да продолжи да се појавува и во возрасна доба. Иако симптомите се црвенило и осип на кожата, атопискиот дерматитис не е само површна кожна болест како што многумина веруваат, туку хронична, системска болест.
Умерен до тежок атопичен дерматитис е повеќе од само непријатен осип. Лезиите на кожата можат да зафатат повеќе од 50 % од површината на телото, а чешањето и болката многу влијаат врз квалитетот на животот на пациентот, предизвикувајќи нарушување на спиењето, зголемена вознемиреност и депресија. Покрај физичките последици, умерен до тежок атопичен дерматитис, исто така, може да има негативно влијание врз психосоцијалниот аспект на животот на пациентите, предизвикувајќи чувство на срам и непријатност, што може да доведе до социјална изолација.
Карактеристичен симптом на атопискиот дерматитис е чешањето. АД не е заразен. Не може да се пренесе од едно на друго лице.
Атописки дерматитис често се јавува кај две други алергиски состојби: астма и алергиски ринитис. Децата чии родители или блиски членови на семејството имаат астма или алергиски ринитис се со поголема веројатност да развијат АД. Добрата вест е што со возраста на детето, кожните промени се намалуваат.
Прочитајте повеќе на тема АТОПИСКИ ДЕРМАТИТ во интервјуто со прим. д-р Соња Петровска, педијатар-пулмоалерголог
