Светски ден на лицата со Даунов синдром – 21 март: Денеска облечете различни чорапи и пратете им љубов на овие ангелчиња

Ова нарушување го спречува нормалниот физички и ментален развој на детето, но со рана медицинска нега и интервенција, како и соодветна поддршка од заедницата, овие лица можат успешно да се интегрираат во општеството

Светскиот ден на Дауновиот синдром се прославува на 21 март, како потсетник за грешката во 21-от хромозом, што ја предизвикува состојбата, а симболично се обележува со носење на разни чорапи.

Дауновиот синдром е нарушување кое се јавува во просек кај едно од 650-1000 новороденчиња и е поврзано со вишок на еден хромозом или дел од хромозом во јадрото. Кај здрави луѓе, јадрото содржи 46 хромозоми, или 23 пара наследени од двајцата родители.

Дауновиот синдром настанува како резултат на грешка во текот на клеточната делба.

Оваа промена може да се открие со тестови веќе во 10-та недела од бременоста. Исто така се нарекува и нарушување на хромозомот 21, бидејќи токму на овој хромозом се јавува трисомија (Т21), па затоа е избран и датумот на одбележување на Светскиот ден на лицата со Даунов синдром – 21 март. Ова нарушување го спречува нормалниот физички и ментален развој на детето, но со рана медицинска нега и интервенција, како и соодветна поддршка од заедницата, овие лица можат успешно да се интегрираат во општеството.

Дауновиот синдром е нарушување кое се јавува во просек кај едно од 650-1000 новороденчиња

Децата и лицата со Даунов синдром имаат тркалезно лице со зарамнет профил, широк и краток врат и коса позиција на очите и мала уста и нос, што ги разликува од другите. Но, тие се многу топли и емотивни луѓе, па најчесто ќе ги забележите по тоа што отворено и добродушно ги прифаќаат сите луѓе околу нив, многу се комуникативни и несебично делат љубов и радост.

Во нивното друштво секогаш има многу смеа и често знаат да не потсетат колку емоции може да пренесе една обична прегратка. Ова е причината зошто тие се радо прифатени во друштвото, особено меѓу децата, бидејќи тие го набљудуваат светот преку детски очи.

Симбол на Дауновиот синдром се шарените чорапи, а токму на овој ден се носат различни чорапи, за да се истакне различноста поврзана со 21-от хромозом. Со ова исто така се изразува поддршка за сите нив затоа што луѓето со Даунов синдром не можат да ги спарат.