Спиењето на страна, особено на лева страна им се препорачува на жените за време на бременоста, оти тоа е најбезбедниот начин на спиење за бебето во стомакот на мајката. Но, зошто токму на лева страна?
Постојат неколку медицински оправдани причини за тоа. Спиењето на грб може да предизвика повеќе здравствени проблеми и за мајката и за детето – од не толку опасни како непријатни болки во грбот и низок крвен притисок, до сериозни – загрозување на циркулацијата кај бебето.
Неодамнешна студија покажал дека спиењето на грб може да го зголеми ризикот да бремената жена роди мртво дете. Истовремено се нотирала и поврзаност помеѓу спиењето на грб по 28. Недела од бременоста и бременостите со смртен исход.
Но, тоа не значи дека од самиот почеток на бременоста треба да се спие на страна. Во својата омилена положба може да спиете се додека плодот не порасне.
