Со анализа на компликациите при породување, опфатени биле 244.645 раѓања, од кои 874 кај заразени жени со КОВИД-19.
Научниците во вторникот во списанието PLOS Medicine, информираа дека стапките на спонатни абротуси и мртвороденчиња не се разликуваат меѓу групите.
Но, откако ги земале предвид ризик факторите за жените, научниците откриле дека трудниците со КОВИД-19 имале 80 проценти поголеми шанси да имаат премногу плодова вода, двојно поголеми шанси за опасно висок крвен притисок, над два пати поголеми шанси за амнионска инфекција, можност за крварење во текот на породувањето и исто така двојно поголеми шанси за крварење по породувањето. Исто така, биле и под зголемен ризик за предвремено породување.
“Бремените жени и оние кои планираат да забременат, ги поттикнувам на вакцинирање против коронавирусот“, вели авторката на студијата д-р Силви Епелбоин од Универзитетот во Париз.
Одделна студија сугерира дека трудниците со блага или умерна форма на КОВИД-19 можат безбедно да се лекуваат со моноклонални антитела.
Лекарите од Мајо клиниката во Минесота лекувале 51 бремена жена со блага до умерен КОВИД-19 еден од неколкуте третмани со моноклонални антитела.
“Не се пријавени никакви штетни ефекти и ниту една пациентка немаше потреба од хоспитализација поврзана со КОВИД-19“, информира пред неколку дена на medRxiv.
Досега, 29 жени родиле здрави бебиња. Евидентиран е еден спонтан абротус поради вродена маана која не била поврзана со лекот.
