Никогаш не е рано да се усвојат здрави навики во исхраната. Всушност, една неодамнешна студија откри дека кога бремените мајки биле научени на здрави практики на исхрана за доенчињата, нивните деца консумирале помалку јаглехидрати и масти на возраст од три години. Покрај тоа, тие имале помала содржина на маснотии во телото до шест годишна возраст отколку децата чии родители немале обуки за исхрана. (Имајте на ум дека на децата им се потребни здрави нивоа на телесни масти. Во овој контекст, тоа само значи дека нивните нивоа не се над препорачаните нивоа).
Децата доживуваат брз когнитивен, физички и социјален раст на возраст од една до шест години
Резултатите од оваа студија покажуваат колку е критично да се всадат здрави навики во исхраната на рана возраст, особено во текот на првата година од животот. Истражувачите забележале дека мајките во рандомизираното испитување започнале да воведуваат ултра-преработена храна (богата со маснотии и шеќер) кај деца уште од шест месеци. Сепак, новите податоци покажуваат дека децата на возраст меѓу една и шест години се изложени на висок ризик од значителен нутритивен дисбаланс.
Новата студија објавена во журналот „Nutrients“ откри дека повеќето деца во САД имаат недостаток на калциум, железо, витамин Д и DHA (тип на омега-3 масна киселина). Поконкретно, студијата ги испитала податоците од Националното истражување за испитување на здравјето и исхраната (NHANES) од 2001-2016 година, што им овозможила на истражувачите да ја утврдат адекватноста на микроелементите во нивната исхрана.
Децата не ги задоволуваат своите нутритивни потреби само преку исхраната, покажуваат податоците
Клучни поенти
Децата доживуваат брз когнитивен, физички и социјален раст на возраст од една до шест години. Исхраната богата со житарици, немасни протеини и овошје и зеленчук игра значајна улога во развојот на детето. Сепак, податоците од скоро 10.000 деца во САД сугерираат дека децата низ целата земја не ги задоволуваат своите нутритивни потреби само преку исхраната.
На пример, скоро 87% од децата од студијата имале неадекватен внес на витамин Д – есенцијална хранлива материја за здрави коски и расположение, која може дури и да игра улога во превенција на астма. Покрај тоа, 69% од децата имале несоодветен внес на витамин Е – витамин растворлив во масти, кој делува како антиоксидант во организмот и ги штити клетките од оксидативен стрес.
„Витамините Д и Е се витамини растворливи во масти кои не можат да се создадат во телото. За да се добијат соодветни нивоа, овие витамини треба да се консумираат преку храната што ја јадеме”, вели д-р Наташа Бургерт“, педијатар и национално признат експерт за детско здравје.
„Децата имаат недостаток на овие витамини, бидејќи нивната исхрана честопати е неконзистентна по разновидност и количина. Дури и на родителот со најдобри намери може да му биде тешко да обезбеди овие витамини да се консумираат во доволно количество“.
- Родителите можат да се осигураат дека нивните деца внесуваат доволно витамин Д нудејќи им млечни производи, масна риба (како лосос) и збогатен сок од портокал, вели д-р Бургерт. Витаминот Е може да се добие од путер од кикиритки и темно лисест зеленчук, како кељ и спанаќ
„За многу деца, сепак, овие видови храна не се вкусни“, додава таа. „Како алтернатива за децата кои ја немаат потребната разновидност на храна за урамнотежена исхрана, нудењето детски мултивитамини или хранливи пијалоци за мали деца се здрави опции.“
Како може да се осигурате дека вашето дете добива доволно калциум, калиум и витамини Д и Е? Направете смути со банана.
„Смути е добра опција од време на време“, вели д-р Бургерт. „Можете дури и да изблендирате спанаќ за додадени хранливи состојки што вашето дете нема ни да ги забележи.
Уште една нутритивна неадекватност кај децата на возраст од една до шест години? Железото.
„Во мојата пракса, недостаток на железо е честа појава кај доенчиња и мали деца“, вели таа. „Бидејќи повеќето семејства не консумираат големи количини црвено месо или друга храна збогатена со железо, нивото на железо полека се намалува со текот на времето. Се покажа дека ниското ниво на железо го нарушува оптималниот когнитивен и социјално-емоционален развој до петтата година.“ (Eat This Not That)
