Децата во првите пет години од животот поминуваат само 45 минути дневно или 260 часа годишно играјќи си со своите родители, покажува истражувањето во кое учествувале илјада родители со деца на возраст до пет години. Значи, тоа би значело дека петгодишните деца поминуваат вкупно само 1.300 часа годишно играјќи си со своите родители, односно повеќе од 54 полни денови, пренесува The Mirror.
Најчесто тоа се игри на имагинација, на кои отпаѓаат 43,5 минути неделно или 187,5 часа во текот на пет години. Следат родители кои им читаат на своите деца, околу 42,5 минути неделно или околу 185 часа за пет години. Дополнителни 165 часа, или 38 минути неделно, се трошат во сликање, цртање или во некоја креативна активност, додека играта со облекување трае 26,5 минути неделно. За да можат децата да научат како правилно да се облекуваат, до петгодишна возраст трошат 112,5 часа.
Поразувачки резултати од истраувањето
Истражувањето што го спровеле две компании покажало дека две третини од родителите, или 67 отсто, сметаат дека редовните игри со децата се од големо значење за нивниот развој, додека 69 отсто од нив изјавиле дека ова време е важно за здравјето и среќата на нивното дете.
Нешто повеќе од половина од родителите, поточно 53 отсто, активно ги поттикнуваат своите деца да играат бидејќи веруваат дека тоа им помага, како што велат, „да се поврзат со светот околу нив“. Четири од десет родители веруваат дека истото може да има директно влијание врз успехот на нивното дете во возрасниот период.
Исто така, се покажало дека речиси повеќе од две третини од родителите, поточно 68 проценти од нив, сметаат дека времето поминато во игра им помага на нивните деца да ги изразат своите емоции, како и да ги подобрат комуникациските вештини.
Сепак, студијата открила дека секој десетти родител нема навика да бара информации за придобивките од играта, ниту што можат да направат за таа да придонесе за благосостојбата на нивното дете. Околу 53 отсто од родителите често имаат проблеми или им е тешко да си играат со своите деца. Најголемите предизвици се поврзани со недостаток на време, но и замор, односно недостаток на енергија.
Имено, речиси секој десетти родител, поточно 8 проценти од нив, се чувствуваат непријатно додека си играат со своето дете, додека 15 проценти од родителите не мислат дека се доволно имагинативни за да смислат интересни игри за децата.
Неверојатен податок е и тој дека речиси 65 отсто од родителите би биле многу среќни да имаат помош од експерти кои би можеле да им дадат суштински информации и практични идеи како да си играат со своето дете, но и да им дадат се што треба да научат од играта.
