Водата е извор на живот и еден од неговите суштински фактори, што се потврдува и со фактот дека речиси 70 отсто од површината на нашата планета, односно околу 60 отсто од човечкиот организам го чини токму водата. Затоа е исклучително важно да ја одржуваме нејзината рамнотежа и во нашата средина и во нашиот организам. Хидратациската рамнотежа е столбот на правилното функционирање на виталните органи и секое негово нарушување, без разлика дали се работи за дехидрација или труење со вода, може да има сериозни последици по здравјето и животот на човекот.
Во лето, особено е важно на децата да им давате доволно течности, но на летниот одмор проверете дали водата од чешма во областа каде што престојувате е безбедна за здравјето.
“За бебиња до 6 месеци задолжително треба да ја провриете и изладите водата пред да му ја дадете на бебето. Може да користите и специјална вода за бебиња или флаширана вода од продавница, секако без меурчиња. И за поголемите деца, подобро е да се земе купена вода, наместо непроверена вода од чешма“, вели д-р Џована Армано, специјалист педијатар. Таа советува да се избегнуваат овошни сокови, тие се слатки и ги прават децата уште пожедни, затоа нека тоа биде обична вода или помалку засладени чаеви.
Доењето е најпрактично
Доењето на море не само што е здраво, туку и многу практично. Не треба да се грижите за подготовката на храната, а бебето добива доволно течности. Ако имате доенче, секако се препорачува доење и во никој случај не планирајте да престанете за време на вашиот одмор.
„Не само што е поздраво, туку сте и надвор од вашето вообичаено место на живеење и можеби нема да имате можност адекватно да подготвувате храна или бебето нема да може веднаш да се навикне на кашички“, советува д-р Армано и додава: „Кога доите, вие сте најсигурни дека бебето ќе добие се што треба, па ако навистина не започне со дополнително хранење на шест, туку на седум месеци, тоа не е никаков проблем“.
Лесна исхрана
Исхраната во текот на летото треба да биде полесна, не само за децата туку и за мајките кои дојат. Големи жештини се и на сите ни треба повеќе свежо овошје и зеленчук, многу напивки, лесни супи и слично. Поради повисоките температури храната побрзо се расипува, па храната треба да се подготвува свежа, а не да се купува брза храна од уличните продавници, особено за децата.
