Воспалението на уво кај бебињата е честа појава, а студиите покажуваат дека дури 23% од бебињата имаат барем едно воспаление на уво до првиот роденден. Но, ако не се следи и не се третира, воспалението на уво може да доведе до сериозни последици. Воспалението на уво кај бебињата најчесто трае неколку дена.
Како да препознаете дека бебето има воспаление на увото?
Најдобар начин да препознаете дали бебето има воспаление на увото е следење на промените на однесување. Некои од најчестите знаци за овој тип на воспаление е плачење повеќе од вообичаено, зголемена телесна температура и настинка. Уште еден од честите и очигледни индикатори за воспаление на увото е жолт исцедок од увото. Гнојното воспаление на уво, најчесто е причина за појава на исцедок од увото.
Некои од останатите можно знаци за воспаление се:
- Бебето ги влече и повлекува ушињата
- Пролив или повраќање
- Намален апетит
- Жолта течност од увото
- Непријатен мирис од увото
- Проблеми со спиењето
При воспаление на увото, телесната температура вообичаено е повисока, ако е во прашање вирусна или бактериска инфекција. При телесна температура повисока од 38 степени Целзиусови, потребно е да се побара лекарска помош.
ПРИЧИНИ
Бебињата најчесто заболуваат од воспаление на увото од причина што имаат хоризонтални, кратки Евстахиеви туби во ушите. Кај возрасните Евстахиевата туба е три пати подолга и вертикална, па течностите полесно излегуваат од ушите.
Во воспаление на увото најчесто доѓа поради инфекција предизвикана од бактерија или вирус. Инфекција се појавува кога течност се собира во бебешкото уво и почнуваат да се развиваат бактерии. Поради изгледот на Евстахиевата туба, оваа појава е почеста кај бебињата, бидејчи течноста не може брзо да излезе од увото. Настинка и одредени алергии исто така може да бидат причина за воспаление на увото кај бебињата.
