Стручњаците се согласуваат дека постојат значајни социјални придобивки од физичкото одење на училиште и блискиот контакт со наставниците и врсниците , но и предупредуваат на потенцијалните ризици од заедничкиот престој на повеќе лица во еден простор подолго време.
Бројни докази сугерираат дека децата се помалку чувствителни на КОВИД-19 од возрасните. Дури и кога ќе се заразат, децата релативно ретко развиваат сериозни компликации и нивната состојба не бара хоспитализација.
Но, тоа не значи дека училиниците може да бидат изземени од мерките на социјално дистанцирање и останатите безбедносни и превентивни мерки.
“Всушност не би требло да се расправа за враќање на децата во училиште, туку за безбедно враќање на децата во училиште“, вели д-р Џенифер Лајтер, специјалист за детски заразни болести на Универзитетот во Њујорк, мерејќи го значењето на секој нејзин збор на оваа тема.
Училиштата мораат на учениците да им обезбедат одредена дистанца во затворен простор и избегнување на блиски контакти низ подолг временски период. Тоа би можело да вклучува намалување на бројот на ученици во одделенијата или класовите, нов распоред на седење во клупите и подолг престој на отворено.
Никој всушност не знае зошто децата помалку се разболуваат од возраасните. За тоа може да се претпоставува, вели д-р Бади Крич, вонреден професор за педијатрија на Медицинскиот факултет Вандербилт.
“Ова е необична пандемија бидејќи респираторните вируси првенствено и најтешко ги погодуваат токму училишните деца“, вели д-р Крич.
Не се знае ниту зошто ризиците не се исти за сите млади луѓе. Постојат знаци дека адолесцентите – особено оние со постоечки состојби – се изложени на ист ризик како и возрасните, иако се потребни дополнителни истражувања, вели д-р Вилијам Раска, специјалист за детски заразни болените од Медицинскиот факултет во Вермонт.
“Колку сте помлад, толку е помалку веројатно дека ќе ја пренесете болеста. Кога ќе дојдете на средношколска возраст, ќе имате малку повеќе причина за загриженост, а до факултет можете да бидете целосно загрижени“, вели д-р Раска. Училиштата, додава тој, ќе мораат за тоа да водат сметка и грижа.
“Насоките за учениците од основните училишта веројатно би требало да бидат поинакви од оние кои ги имаме за средношколците“, вели Лајтер.
Во Европа и во САД, некои деца, заразени со коронавирус, имале воспалителни симптоми слични на Кавасаки болеста. Во Њујорк, се пријавени над 100 случаеви на мултисистемски воспалителен синдром кај децата (MIS-C).
Училиштата се важни за воспитувањето и растењето на децата: во нив стекнуваат нови знаења, но не смее да се заборави и на нивната подеднакво важна социјална функција.
“Децата последниве неколку месеци беа соочени со голоеми социјални и економски проблеми поради интернет учењето“, вели Лајтер која смета дека онлајн училиште не е добро решение за децата, посебно не за малите деца.
“Ништо нема да биде нормално, додека не се пронајде вакцина“, вели Шилпа Пател, педијатар од САД, која смета дека наесен децата треба да седнат во училишните клупи.
