Децата сочинуваат една четвртина од американската популација, а за да се постигне колективен имунитет мора да се вакцинира од 70 до 85 проценти од населението
Клучниот експерт на американската влада за заразни болести, д-р Ентони Фаучи, изрази надеж дека вакцинацијата на децата против коронавирус ќе започне во САД кон крајот на пролетта или во почетокот на летото.
Главниот медицински советник на Џо Бајден, шефот на Националниот институт за алергии и инфективни болести, зборуваше на редовниот брифинг посветен на коронавирусот во Белата куќа.
„Се надеваме дека додека да дојде крајот на пролетта и почетокот на летото, ќе бидеме во можност да ги вакцинираме децата“, рече Фаучи.
Вакцините против Ковид-19 сè уште не се одобрени за деца.
Но, вакцинацијата на деца е клучен чекор во потрагата по широко распространет имунитет на вирусот кој зарази скоро 26 милиони во САД и уби повеќе од 433,000. За САД да достигнат колективен имунитет, околу 70% до 85% од популацијата мора да биде вакцинирана. Децата сочинуваат околу 25% од населението.
„Децата имаат тенденција да не се разболуваат толку сериозно од Ковид-19, но тие сепак можат да се разболат, а некои и трагично починаа“, изјави д-р Леана Вен, експерт за јавно здравје за АП. „Децата исто така можат да бидат вектори на пренесување и затоа вакцинирањето на децата е важно“.
Вакцината на „Фајзер“ и „Бионтек“ доби итно одобрение за употреба кај луѓе од 16 години и постари. Следниот чекор, рече Фаучи, вклучува тестирање кај деца до 12 години. Доколку е успешно, ќе следи уште еден круг на тестирање, на возраст до девет години
Агенцијата за храна и лекови на САД (ФДА) сè уште не одобрила вакцини за деца, поради недоволни податоци од тестирање. Фаучи рече дека податоците се собираат преку „age de-escalation testing” процес. Вакцината на „Фајзер“ и „Бионтек“ доби итно одобрение за употреба кај луѓе од 16 години и постари. Следниот чекор, рече Фаучи, вклучува тестирање кај деца до 12 години. Доколку е успешно, ќе следи уште еден круг на тестирање, на возраст до девет години.
Бидејќи првичните тестови за потврда на безбедноста и ефективноста на вакцините на „Фајзер“ и „Модерна“ вклучија десетици илјади луѓе, тестирањето на деца според одредена возраст може да биде направено со помали групи.
„Не сакате да мора да поминувате низ испитување за ефикасност, каде што вклучувате десетици илјади деца“, рече Фаучи. „Она што можете да го направите, е во многу помало испитување, измерено во стотици до неколку илјади… она што ние го нарекуваме безбедност и… имуногеност“.
Тоа е термин за тоа дали вакцината успешно предизвикува реакција на имунолошкиот систем.
