Летото може да биде многу забавно, но истовремено и многу жешко да ги изнесете децата надвор. Како и сите други родители, не може да го игнорираме стравот од преголемата жештина. Затоа, издвојуваме важни чекори кои родителите би требало да ги испочитуваат за да не дојде до проблеми кај децата.
- Одберете вистински дел од денот
Доколку имате деца кои едноставно мора да излезат надвор, или пак бебе кое би сакале да го прошетате, важно е да одберете вистински период. Изберете го утрото или вечерта, период кога надвор температурите се пониски. Секогаш се истакнува со активностите надвор да бидете претпазливи во периодот помеѓу 10 и 16 часот. Најдобро е тоа време да го искористите за ручек или дремка.
- Заштита од сонце за целото семејство
Никогаш не пропуштајте користење на заштитен фактор. Американскиот центар за контрола и превенција на болести, предлага користење на фактор 15 и поголем, со носење на очила и капа. Нанесувајте го факторот 15 до 30 минути пред изложување на сонце.
Препораките се бебето најпрво со облека да се штити од сонце, доколку е помало од шест месеци, а понекогаш и за нив може да се користи помала количина на одредени креми со заштитен фактор.
- Не ја покривајте количката за да го блокирате сонцето
Родителите природно посегаат за нешто кое ќе ја заштити нежната и чувствителна бебешка кожа од сонцето. Сепак, експертите предупредуваат дека, дури и најтенките материјали со кои родителите ја покриваат количката на бебето, доведуваат до нагло зголемување на температурата кај бебето. Тие велат дека е подобро да се одберат делови кои се поврзани со количката, а кои не задржуваат топлина, но и да се трудите што повеќе да бидете во ладовина кога сте со бебето излезени надвор.
- Бидете хидрирани
Според советите на Светската здравствена организација, бебињата помали од шест месеци немаат потреба за вода, но постарите деца треба да пијат во доволни количини, особено во текот на жешките летни денови. За да останат хидрирани, бебињата може да бараат повеќе мајчино млеко или формула. Затоа, бидете сигурни дека и самите сте доволно хидрирани.
