Откако ќе поминете време да го легнете вашето малечко во кревет и да го успиете, веројатно се чувствувате исцрпено и едвај чекате и сами да заспиете. Но, на некои ќе им се случи да штом се пикнат под покривката и ја одморат главата, бебето да почне да плаче по вас. Но, често се случува родителите од првиот сон да ги разбуди плачот на детето. Несомнено е фрустрирачки, особено ако сте лишени од сон со денови.
Ако се прашувате зошто е тоа и што да направите во врска со тоа, советничката за спиење Џенифер Робинсон објаснува зошто детето се буди токму тогаш и како да се обидете да спречите тоа да се повтори.
Џенифер Робинсон вели дека сето тоа е поврзано со околината на детето. Таа е и мајка на две деца и добро ги познава ваквите ситуации.
„Многу деца се будат токму кога нивните родители го гасат светлото и си легнуваат. Луѓето мислат дека тоа е поради вревата што ја направиле додека се подготвувале за спиење, но тоа всушност само покажува дека детето се смирува од позадинската бучава што ја правите додека одите низ куќата, гледате телевизија и слично Кога ќе легнете, а куќата е тивка, бебето повеќе не ве слуша и паничи“, објаснува Робинсон.
Според советничката, постои решение за овој проблем, но нема да им успее на сите родители.
„Многу родители користат бел шум. Бучавата што ја создаваат им помага на некои деца да ги задушат ненадејните звуци околу нив. Постојаниот звук може да го одвлече вашето дете од вас и да ја направи тишината во куќата помалку забележлива кога ќе легнете“, додава таа.
