Во текот на растот и развојот на новороденчињата, бебињата и децата должината и длабочината на спиење се менуваат.
Во првите недели од животот, новороденчето спие во интервали, од 19 до 10 часа дневно, додека постепено фазата на спиење се намалува и кон крајот на првата година изнесува 13-14 часа дневно. Во првите месеци од животот, спиењето е тесно поврзано и со исхраната – првенствено во првите денови новороденчето спие кога е нахрането и сито, а се буди кога е гладно.
Постепено, спиењето станува помалку зависно од ситоста на детето, а повеќе станува регулирано од условите и навиките на околината. Родителите, односно средината во која жовее детето, наметнуваат свој ритам на спиење и будност, кој може, но и не мора да биде во склад со неговиот билошки ритам.
Спиењето и будноста се тесно поврзани и со развојот на личноста. Доколку околината, во прв ред, мајката, ги задоволува на соодветен начин физиолошките и психички потреби на детето, односноо доколку детето постигне потребно растоварување преку сетилата, дразбите и движењата во текот на денот, развојот на личноста ќе биде складен, а ритамот на спиење правилен.
