Можеби се прашувате дали вакцината против Ковид-19 ја завршила својата работа, вооружувајќи го вашиот имунолошки систем да се избори против инфекцијата. Или дали вакцината е воопшто потребна, особено ако сте прележале коронавирус.
Но, здравствените експерти велат дека тестовите за антитела – тестови направени за детектирање на протеини создадени од имунолошкиот систем кои штитат од вирусот – не се потребни и може да бидат несигурни.
„Не обидувајте се да ja преиспитувате вакцината. Само вакцинирајте се “, рече Сара Фортун, претседателка на одделот за имунологија и заразни болести на Harvard’s T.H. Chan School of Public Health.
CDC не го поддржува тестирањето на антитела за проценка на имунитетот по примањето на вакцината. Во клиничките студии се покажа дека вакцините на Фајзер и Модерна ги штитат луѓето од вирусот 95 проценти и 94 проценти. Но, тоа не значи дека секој што ќе прими вакцина би бил позитивен на антитела
Треба ли да направам тест за антитела за да видам дали ми е потребна вакцина?
Федералните здравствени власти велат дека бидејќи природниот имунитет варира и бидејќи болеста може да предизвика толку тешки компликации, луѓето треба да се вакцинираат „без оглед на историјата на претходна симптоматска или асимптоматска инфекција со SARS-CoV-2“.
Експертот за инфективни болести, Роб Марфи, објасни дека имунитетот обезбеден од антителата е „мешана торба“ – иако некои луѓе кои имале Ковид-19 го задржале имунитетот, други го изгубиле.
Исто така, прелиминарните податоци покажуваат дека ваквиот имунитет можеби воопшто не штити од новата варијанта, идентификувана во Јужна Африка.
Бидејќи никој не знае колку трае природниот имунитет, вакцинацијата е клучна, рече Марфи.
Освен тоа, вакцината може да биде попотентен имуноген отколку имунитетот од вистинскиот вирус, нудејќи подобра заштита од него, рече Марфи, извршен директор на Институтот за глобално здравје и професор по медицина и биомедицински инженеринг на Универзитетот Нортвестерн.
Во крајна линија, тестирањето на антитела „за цели на донесување одлуки за вакцини“ не е препорачливо, според Американскиот центар за контрола и превенција на болести.
Што е со тест за антитела за да се утврди дали вакцината е ефикасна?
CDC не го поддржува тестирањето на антитела за проценка на имунитетот по примањето на вакцината. Во клиничките студии се покажа дека вакцините на Фајзер и Модерна ги штитат луѓето од вирусот 95 проценти и 94 проценти. Но, тоа не значи дека секој што ќе прими вакцина би бил позитивен на антитела, рече Марфи.
Комерцијалните тестови за антитела можеби не ги бараат истите антитела што ги активира вакцината. Некој кој примил вакцина и е имун на вирусот, сепак може да има негативен тест за одредени антитела, објасни Марфи.
Комерцијалните тестови за антитела можеби не ги бараат истите антитела што ги активира вакцината. Некој кој примил вакцина и е имун на вирусот, сепак може да има негативен тест за одредени антитела
Во секој случај, додаде Марфи, антителата се само дел од реакцијата на имунолошкиот систем на една личност. Некои студии покажаа дека заштитните Т-клетки, бели крвни клетки кои помагаат во заштита од болести, биле покачени кај некои пациенти со Ковид-19, иако пациентите немале антитела што може да се детектираат.
„По вакцинацијата, многу луѓе одат да направат тестирање на антитела: ‘Сакам да видам дали делува…’. Тоа всушност има многу мала корелација’, рече тој. „Многу луѓе ќе се тестираат негативно на тестот за антитела, а тоа не значи дека вакцината не делува“.
Тогаш, кога треба да направам тест за антитела?
Здравствените експерти велат дека тестирањето за антитела е корисно за проценка на преваленцата на болеста во заедницата за да се информираат службениците од јавното здравство.
За поединци, Марфи рече дека тестовите „можат да ви кажат за изложеноста на вирусот во минатото“.
„Но, тоа не менува ништо друго. Не го менува фактот дека можете повторно да се заразите и можеби нема да ви понуди доволно заштита од новите варијанти“, рече тој.
Значи, кога станува збор за вакцината, рече тој, тестирањето е бескорисно. „Дури и ако сте позитивни (на антитела на Ковид), сепак би ја примиле вакцината. Ако сте негативни, би ја примиле вакцината. И тогаш по вакцината, навистина не е важно дали тој тест за антитела е позитивен или негативен. Тоа воопшто не ви помага“. (Вашингтон пост)
