Доколку се извлекувате на тоа дека “јадете за двајца“ во бременоста, треба да најдете друг изговор за да ја изедете и таа крофна. Ново истражување објавено во списанието Obstetrisc and Gynecology открило дека речиси половина од жените добиваат премногу килограми во бременоста, што може да доведе до здравствени проблеми за мајката и за бебето.
“Кога жената ќе добие премногу килограми во бременоста, се згоемува ризикот од прекумерна родилна тежина за бебето, што може да води кон проблеми со дебелина во детството, но исто така се зголемува и ризикот од компликации при породувањето, како прекумерно крварење и можен царски рез“, објаснува д-р Андреа Шарма и додава “Често може да биде потешко за мајката да ги намали килограмите по породувањето, а со тоа има поголем ризик од прекумерна дебелина“.
Според Институтот за медицински истражувања, жените кои се потхранети (индекс на телесна маса помал од 18.5), треба да добијат 12 до 18 килограми за време на бременоста, жените кои бременоста ја почнуваат со нормална тежина (индекс на телесна маса помеѓу 18.5 – 24.9) треба да добијат 11 до 15 килограми за време на бременоста, а жените кои се обезни (индекс поголем од 30), треба да донијат помеѓу 4 и 9 килограми повеќе во бременоста. Иако 2-3 килограми над наведеното, главно е прифатливо, се чини дека многу жени добиваат килограми многу над препорачаното.
Првенствено, проблемот е идејата дека бремените жени треба да ги дуплираат своите порции за време на бременоста.
„Бременоста во никој случај не значи дека треба да ‘ јадете за двајца’. Всушност, препорачаните дополнителни калории се многу малку“, вели д-р Шарма, додавајќи дека на жената не и требаат дополнителни калории во првиот триместар. Во текот на вториот триместар, на жената и требаат 340 дополнителни калории, а во текот на третиот триместар дополнителни 450 калории.
“На пример, дополнителни 350 калории всушност се еднакви на дополнителен меѓуоброк кој се состои од едно средно јаболко, еден грчки јогурт и една шака бадеми“, објаснува д-р Шарма.
Уште еден фактор: Многу бремени жени не вежбаат колку што треба.
“Ние доаѓаме од култура каде што вежбањето за време на бременоста не се охрабрува и дефинитивно треба да го смениме тоа“, додава д-р Шарма, истакнувајќи дека жените кои имаат бременост без компликации треба да поминат најмалку 150 минути неделно на вежбање и активности со среден интензитет. Оваа цел можат да ја постигнат со брза прошетка од 10 до 20 минути во текот на неделата.
Друг проблем прекумерните килограми за време на бременоста е тоа што многу жени не ги губат сите килограми по породувањето што може да доведе до понатамошни компликации како што се висок крвен притисок и дијабетес.
