Кои се првите знаци на недостаток на калциум кои можеби веднаш не би ги препознале.
ГРЧЕВИ ВО МУСКУЛИТЕ И ТРНЕЊЕ НА ПРСТИТЕ
Грчеви под пазувите, бутовите и рацете додека се движи, се првиот знак дека вашето дете има недостаток на калциум. Доколку внесува доволна количина течности, има нормални ниво на хемоглобин во крвта, а и натаму чувствува болки во мускулите, тоа може да биде основен показател дека нема доволен внес од овој минерал.
КОСКИ
За коските во текот на растење ја достигнат потребната цврстина, неопходен им е калциум, па поради тоа, недостатокот на овој минерал во телото доведува до чести скршеници, дури и при најмали повреди. Недостатокот на калциум кај децата во комбинација со недостаток на витамин Д, може да доведе до сериозни состојби, како рахитис.
СЛАБИ И КРШЛИВИ НОКТИ
Еден од добрите показатели на недоволно калциум е секако и кршливите нокти. Ако забележите дека на детето му пукаат ноктите, дури и при секојдневни активности, обезбедете му внес на намирници богати со овој минерал.
КАРИЕС
Уредно водите сметка за хигиената на устата на детето, но и натаму не може да спречите појава на кариес, а детето станало подложно и на забоболка? Ова е јасен знак дека нивото на калциум не е потребната висина. Познато е дека 99% од овој минерал во телото се наоѓа во коските и во забите, и затоа неговиот недостаток ќе се одрази првенствено на тие места.
СЛАБ ИМУНИТЕТ
Помалку е познато дека калциумот игра важна улога за одржување на имунитетот кај секој човек, па затоа неговиот недостаток претставува добра подлога за развој на дишни и цревни инфекции. Недоволната количина од овој минерал ја намалува можноста на телото да се брани против болести.
ЗАМОР И ВРТОГЛАВИЦА
Некогаш, симптоми како замор, изнемоштеност или други симптоми кои укажуваат на грип, всушност може да укажуваат на недоволно калциум. Ако се проследени со болки во коските и мускулите, речиси е сигурно дека вашето дете нема доволно калциум во телото.
НЕСОНИЦА
Несоницата кај децата може да биде предизвикана на повеќе начини, но најзанемарлив е дефинитивно недостатокот на калциум. Освен несоница, недостатокот на калциум предизвикува и напади на страв и менатлни пречки кои го зголемуваат стресот и заморот.
