Експертите од американската Агенција за храна и лекови (ФДА) денес објавија дека вакцината на Фајзер-Бионтек против КОВИД-19 е безбедна и ефикасна за децата од шест месеци до четири години.
Стручњаците наведуваат дека немало ниту едно случување кое би укажувало дека вакцината не е безбедна за примена на мали деца.
Анализата на податоци од клиничкото испитување спроведено од Фајзер е објавена пред состанокот на надворешните советници на ФДА, на 15 јуни. Мислењето на овие експерти ќе биде одлучувачко за одлуката на агенцијата.
Податоците врз основа на десет случаи во времето кога омикрон беше доминантна варијанта на коронавирусот, покажале дека вакцината била 80,3 проценти ефикасна во групата на деца помали од пет години.
Вакцинацијата на деца против КОВИД-19 на таа возраст не е одобрена во повеќето делови на светот. Не е јасно колку родители ќе ги вакцинираат своите деца, бидејќи интересоте мал и за возрасната група од пет до 11 години.
