![20 недела 1](https://pedijatar.mk/wp-content/uploads/2019/03/20-nedela-1-696x464.jpg)
Продолжува развојот, задебелувањето и диференцијацијата на слоевите на кожата. Посебно лојни жлезди создаваат восочна маса која се нарекува vernix caseosa и која се одржува на кожата благодарение на присуството на лануго влакненцата.
Оваа восочна маса е многу важна во заштитата на кожата од дејството на плодовата вода. Продолжува растењето на косата, а почнуваат да растат и ноктите на прстињата.
Бебето е долго 22-25 сантиметри, а тешко околу 280-350 грама.
Вашата половина е значајно проширена, а матката забележливо го истакнува стомакот.
Со порастот на матката може да се јават и тегоби поради компресија на околните органи: на желудникот, бубрезите и белите дробови. Последиците од овој притисок може да бидат лошо варење, често мокрење и недостаток на воздух при напор. Се почеста е појавата на стрии на кожата.