Повеќето органи на вашето бебе веќе постојат, а планот на развој се надополнува со развојот на половите органи. Формирани се внтрешните полови органи, кои почнуваат да лачат хормони од кои зависи комплетниот понатамошен развој на полот на детето. Продолжува развојот на дланките и на стапалата и сега палецот почнува да се разликува од останатите прсти. Срцето е во целост развиено и содржи четири шуплинки. Мозокот го продолжува развојот: секоја минута се создаваат околу 250.000 нови мозочни клетки. Преку ултразвук може да се следат и движењата на бебето. Бебето е долго околу 4,5 сантиметри, а тешко околу 5 грама.
Високото ниво на хормонот β-hCG е причина за појава на различни тегоби на раната бременост: чувство на мачнина, засилено лачење на плунка, утринско повраќање.
Во овој период нивото на β-hCG достигнува вредност од околу еден милион IU/L. Вака високата вредност се одржува до 12. недела на бременоста, а потоа нивото паѓа на 100.000 IU/L во 16. недела од бременоста. Со падот на нивото на β-hCG обично престануваат проблемите со мачнини и повраќање во бременоста. Доколку овој проблем продолжи, потребно е да се разгледаат и другите можни причинители за таквата состојба.
Освен чувството на мачнини и повраќање, хормонските промени во бременоста може да предизвикаат промени на кожата во смисол на труднички пеги на лицето, како и посилни пигментации на други делови на телото (ареолата околу брадавицата на дојката, средишна линија на стомакот).
Промените се појавуваат како резултат на поголема пигментација на кожата по високот ниво на естроген.
