COVID-19 може да биде непредвидлива болест. Некои пациенти може да имаат благи или никакви симптоми, додека кај некои пациенти коронавирусот предизвикува тешка болест и смрт.
Повеќето заболени воглавно имаат благи симптоми, што има свои предности и мани. Добрата работа е што вирусот не е фатален за повеќето, но лошата е што асимптоматските случаи можат да го шират вирусот дополнително, што ја отежнува борбата против пандемијата. Затоа е потребно да обрнете внимание на лесните симптоми што ги имате, за да можете да ги преземете сите превентивни мерки и да се заштитите себеси и другите околу вас.
Еден од симптомите што го вклучува алармот е отежнато дишење, иако овој симптом не се јавува толку рано како останатите симптоми
Кои се лесните симптоми на COVID-19?
„Лесните симптоми се однесуваат на слични симптоми кои можат да се појават кај настинка или полесна форма на грип. Во некои случаи, заразените луѓе нема да покажат никакви симптоми“, вели Кристин Дин, медицински директор во телемедицинската служба „Doctor on Demand“.
Висока треска и влошување на кашлицата исто така може да укажуваат на поголем проблем кој бара лекарска помош. Ако имате историја на медицински болести кои можат да ја намалат отпорноста на имунолошкиот систем, треба да бидете уште повнимателни. Имунитетот може да биде ослабен од некои од следниве состојби: дијабетес, срцеви заболувања, хронично белодробно заболување, хронично заболување на бубрезите, карцином, ХИВ или земање имуносупресивни лекови
COVID-19 во некои полесни случаи изгледа како настинка, а најчестите симптоми на болеста вклучуваат треска, болки во телото, замор, студ, губење на вкус или мирис, болка во грлото, кашлица, отежнато дишење, дијареја, гадење, течење на носот, главоболка и запушен нос.
Инкубациониот период за COVID-19 сугерира дека се потребни 2 до 14 дена за заразеното лице да покаже дури и благи симптоми, а истражувањата велат дека во просек се потребни околу пет дена.
Еуден Хари, директор на Центарот за опоравување „Oasis“ во Орландо, Флорида, објаснува дека лесните симптоми кај повеќето заболени не влијаат на нивниот секојдневен живот. Таа вели дека луѓето може да ги занемарат симптомите, кои можат да бидат рани, први знаци на коронавирус.
„Тоа вклучува симптоми што некој може да ги негира сам на себе или на другите затоа што никој не сака да биде болен, тоа е човечката природа“, вели д-р Даниел Берлинер.
Лесните случаи можат да бидат посериозни отколку што мислат луѓето, бидејќи во такви случаи се појавува треска, кашлица, а понекогаш дури и пневмонија. Кај тешките случаи доаѓа и до забрзано дишење, па на пациентите им е потребен кислород или респиратор. Кај критично болните пациенти се јавува респираторна инсуфициенција или откажување на повеќе органи.
Кога треба да побарате лекарска помош?
„Еден од симптомите што го вклучува алармот е отежнато дишење, иако овој симптом не се јавува толку рано како останатите симптоми“, додава Берлинер.
Висока треска и влошување на кашлицата исто така може да укажуваат на поголем проблем кој бара лекарска помош. Ако имате историја на медицински болести кои можат да ја намалат отпорноста на имунолошкиот систем, треба да бидете уште повнимателни.
„Имунитетот може да биде ослабен од некои од следниве состојби: дијабетес, срцеви заболувања, хронично белодробно заболување, хронично заболување на бубрезите, карцином, ХИВ или земање имуносупресивни лекови“, објасни Дин.
Ако страдате од некоја од овие болести и сте биле изложени на вирусот или сте биле во контакт со заразено лице, препорачливо е да се изолирате и да контактирате со вашиот лекар. Ако имате сериозни, потешки симптоми, потребно е да побарате итна медицинска помош, пишува „Huffpost“.
