♦♦♦♦♦♦♦
Ако вашиот тест бил позитивен COVID-19, а вие одеднаш се чувствувате многу подобро, но симптомите повторно се појавуваат, јасно е дека се прашувате дали е тоа нормално.
Од она што досега се знае е дека симптомите на болеста можат да ослабнат или да се засилат за време на периодот на оздравување. Некои болести, како што е настинката, секогаш се развиваат по очекуван тек: најпрво ви тече носот, се чувствувате уморно, а за неколку дена ви е многу подобро. Но, пациентите со COVID-19 пријавуваат дека нивните симптоми се менуваат од ден во ден, па по една ноќ може да се чувствуваат многу подобро.
Во моментов се знае дека таквиот развој е нормален и дека многумина оздравуваат по неколку недели од појавата на симптомите, дури и ако нивниот интензитет се менува за време на периодот на закрепнување. Сепак, некои луѓе доживуваат и хронична состојба, па симптомите се подеднакво тешки за време на целиот период на закрепнување. Некои пријавиле дека им треба дополнителна нега и 6 месеци по дијагностицирањето на „закрепнувањето“.
Истражувањата покажуваат дека пациентите со грип почесто страдаат прво од кашлица, па дури потоа од треска
Ако и вашиот тест е позитивен, или верувате дека сте биле болни, но не сте се тестирале, а симптомите не исчезнуваат ни по еден месец, треба да разговарате со вашиот лекар за да ви помогне што побрзо да оздравите.
COVID-19 VS. ГРИП
Симптомите на COVID-19 кои вклучуваат треска и кашлица, се многу слични на некои други болести, а една од нив e секако грипот.
Како што се приближува сезоната на грип, ќе биде се потешко да се разликува за која болест станува збор. Неодамнешната студија на Универзитетот во Јужна Калифорнија малку ја олеснува оваа ситуација објаснувајќи го редоследот според кој се јавуваат симптомите.
Па така редоследот на симптомите на COVID-19 е следен:
- Температура
- Кашлица и болка во мускулите
- Гадење и повраќање
- Дијареја
„Истражувањата покажуваат дека пациентите со грип почесто страдаат прво од кашлица, па дури потоа од треска“, објаснува д-р Роберт Глатер. Во реалноста, не е сè толку едноставно затоа што грипот може да се појави со цела лепеза на симптоми, од болки во грбот до кашлање.
Глатер додава дека резултатите од студијата би можеле да бидат корисни кога станува збор за проценка на поголем број на пациенти кои доаѓаат во болница со симптоми. Според резултатите од студијата, грипот почесто ќе се појави со кашлица, додека првиот симптом на болеста COVID-19 е треска.
