Доењето е најдобар начин за зајакнување на имунитетот на бебето, но тоа не значи дека бебето никогаш нема да „закачи“ никаков вирус. Ако ова се случи додека вашето бебе се уште цица, дали треба да продолжите со доењето? Дали тогаш вашето млеко се менува? А што ако вас не ви е добро?
Овој процес се уште не е докажан со истражувања, односно сè уште не е познат точниот механизам со кој се јавува, но постојат докази дека мајчиното млеко се менува во согласност со болеста на бебето. Една студија од 2012 година покажала дека нивото на белите клетки во мајчиното млеко се зголемува кога кај бебето ќе се појави некоја инфекција, а се зголемува и нивото на други заштитни материи. Ова докажува дека бебето е навистина подобро заштитено кога цица
Дури и кога бебето не се бори со вирус, мајчиното млеко со својот состав го штити бебето од болести и инфекции. Тоа мајчино млеко е преполно со антитела – најмногу во колострумот, но и подоцна во текот на целиот период на доење. Покрај антителата, млекото содржи протеини, масти, шеќери и бели крвни зрнца, кои сите заедно се борат против инфекциите. Тука исто така се и различни антиинфламаторни супстанции кои го зајакнуваат имунолошкиот систем на бебето.
Докажано е дека мајчиното млеко се менува кога мајката е болна, па во млекото веднаш се наоѓаат антитела, прецизно насочени за борба против инфекцијата. Но, што се случува кога детето е болно? Според Американската Academy of Breastfeeding Medicine, количината на елементи што се користат за борба против вирусите исто така почнува да се зголемува во мајчиното млеко. Така што одговорот е да, мајчиното млеко се менува кога бебето е болно. Фасцинантно, нели?
Како се менува млекото кога бебето е болно?
Овој процес се уште не е докажан со истражувања, односно сè уште не е познат точниот механизам со кој се јавува, но постојат докази дека мајчиното млеко се менува во согласност со болеста на бебето. Една студија од 2012 година покажала дека нивото на белите клетки во мајчиното млеко се зголемува кога кај бебето ќе се појави некоја инфекција, а се зголемува и нивото на други заштитни материи. Ова докажува дека бебето е навистина подобро заштитено кога цица.
Една година подоцна, спроведена е студија која го следела нивото на леукоцити, еден вид бели крвни зрнца, во мајчиното млеко за време на доење на бебиња кои биле болни или додека мајката била болна. Ова истражување покажало дека леукоцитите биле значително покачени во тој период, и кога бебето било болно и кога мајката била болна. Кога мајката или бебето ќе закрепнеле, нивото на леукоцити се враќало во нормала.
Што ако се промени бојата?
Од кога се сретнуваме со вирални објави, има и такви кои тврдат дека млекото ја менува бојата кога мајката или бебето се болни. Иако ова е навистина фасцинантно, во моментов нема докази за тоа, ниту за фактот дека млекото може да ја промени бојата поради болест кај мајката или бебето. Ова, се разбира, не значи дека не е можно! Само што нема научни докази за тоа. Млекото може да ја промени бојата поради нешто што мајката јадела или некој лек што го зема.
