„Добрата вест е што вирусот не може да продолжи да се развива со сегашната брзина во обид да ги заобиколи вакцините и заштитата стекната по прележување на болеста, за да преживее, па така може да се предвиди дека за околу три години короната би можела да се смири и да стане слична на обична настинка“, вели професорот Питер Опеншо, имунолог од лондонскиот Империјал колеџ, сметајќи дека тоа е добра вест!
Имено, реинфекциите со коронавирусот не се ретки и покрај тоа што голем број луѓе се вакцинирани и веќе прележале Ковид-19, што е последица на мутирање на вирусот кој се обидува да го избегне нашиот имунитет. Но, додека вирусот не се „измори“, Ковид-19 ќе предизвикува нови инфекции како што ќе пристигнуваат неговите нови варијанти.
Научниците се дополнително загрижени поради можната силна сезона на грип во текот на зимата, што изостана во последните две пандемиски години. Причина за загриженост е она што моментално се случува во Австралија, каде што е зима. Имено, Австралијците ја имаа најлошата сезона на грип во последните пет години. Затоа се почесто се споменува потребата од вакцинирање против грип за да не дојде до „двојна инфекција“, која за многумина може да биде фатална
Среќа е, велат научниците, што за разлика од првите варијанти, вуханската и делта, омикрон ретко се шири во белите дробови, односно останува во горниот респираторен тракт, а тоа значи дека симптомите на болеста се послаби, но не кај сите. Експертите предупредуваат дека нема сомнеж дека вакцината против Ковид не штити од потешка форма на болеста благодарение на „отпорот“ на Т-клетките.
Меѓутоа, за дополнително да се стимулира имунитетот, се почесто се зборува за бустер дози и за лица под 50-годишна возраст, а за лицата над 60 години веќе е препорачана четврта доза од вакцината. Минатонеделното американско истражување покажа дека тоа ќе помогне и во подобра заштита и надминување на обичната настинка предизвикана од друг коронавирус.
Научниците се дополнително загрижени поради можната силна сезона на грип во текот на зимата, што изостана во последните две пандемиски години. Причина за загриженост е она што моментално се случува во Австралија, каде што е зима. Имено, Австралијците ја имаа најлошата сезона на грип во последните пет години. Затоа се почесто се споменува потребата од вакцинирање против грип за да не дојде до „двојна инфекција“, која за многумина може да биде фатална.
Сепак, според начинот на кој се одвива оваа пандемија на Ковид-19, има се повеќе експерти кои веруваат дека ќе имаме редовни бранови на Ковид-19 барем неколку години, прашање е само колку ќе ги има годишно.
