ЕДЕН РЕФЛЕКС ГО НОСИ НЕГОВОТО ИМЕ, А ЈА ОСМИСЛИЛ И ЧУДЕСНАТА СУПА: Ова јадење го решава и најтешкиот пролив

Познатиот педијатар со овој рецепт на децата им спасувал животи.

Ернест Моро бил педијатар кој вовел многу сензационални откритија во лекувањето на бебињата. На почетокот на 20. век медицината не била инзворедна како денес, па стапката на смртност кај децата била навистина голема. Една од причините за смртност била и дехидрацијата, како последица од пролив/дијареа. Педијатарот Моро пронашол одличен рецепт за окрепувачка супа од морков со која децата, исцрпени од пролив и дехидрација, можеле да ги обноват електролитите и минералите во организмот.

Но, има уште една придобивка од оваа супа. Имено, подоцна студиите покажале дека олигосахаридите од супата од морков спречуваат бактериите да се врзат за ѕидовите на цревата, па на тој начин се стопира проливот.

Овој педијатар е заслужен и за откривање на рефлекс, кој подоцна бил наречен според него – Моров рефлекс, за терминот “прво тромесечје“, осмислил едноставен кожен тест за туберкулоза, кој се користел се до 1960 година, а открил и дека доените деца имаат подобар имунитет.

За оваа лековита супа потребно ви е половина килограм моркови, вода и сол.

Подготовка: Убаво исчистете и измијте ги морковите и варете ги додека не омекнат. Потоа испасирајте ги и додадете вода и сол.