Во раната фаза на пандемијата со КОВИД-19 се мислеше дека децата се поштедени од болеста. Повеќето деца имаа благи или никакви симптоми на болеста. Ега, нови истражувања откриле дека децата се уште се во голема опасност од развој на тешка форма на КОВИД-19.
Имено, се покажало дека една третина од децата хоспитализирани поради КОВИД-19 се примени на одделите за интензивна нега, што е слична стапка како и кај возрасните.
Инаку, популацијата која е изложена на поголем ризик од развој на тешка форма на КОВИД-19 вклучува повозрасни лица, лица со постоечка болест како дијабетес, срцеви болести и хипертензија, како и имунокомпромитирани лица.
Се смета дека децата исто така се изложени на ризик од развој на тешка форма на КОВИД-19, поради што лекарите и јавноздравствените институции треба да продолжат да ја следат SARS-CoV-2 инфекцијата кај децата, предупредува Американскиот центар за контрола и превенција на болести.
Според експертите, децата треба постојано да се поттикнуваат на зачестено миење на рацете и да продолжат со социјално дистанцирање, а децата на возраст над две години треба да носат заштитни маски за да се намали ризикот од инфекција и понатамошен пренос на SARS-CoV-2.
