Вирусен менингитис е форма на менингитис, односно воспаление на меките мозочни обвивки. Од семејството на ентеровируси, вирусите кои вообичаено ги напаѓаат цревата, најчести причинители на менингитис се ехо вирусите и Коксаки Б.
Повеќето случаи се појавуваат во текот на летото и раната есен. Се пренесува преку контакт со плунката на заразено лице, на пр. преку кашлање или користење на прибор за јадење или чаши. Ретко, можно е да се заразите и преку посредник, како што е мувата. Инкубацијата трае од 3 до 5 дена.
Кај малите деца на возраст под 2 години, најчестите симптоми вклучуваат треска, повраќање, раздразливост, грчеви во целото тело и напнатост на фонтанелата, а вкочанетоста на вратот може и да отсуствува
Исклучително отпорни вируси
Ентеровирусите се многу отпорни во надворешната средина, а релативно отпорни на различни физички и хемиски влијанија. Тие можат да преживеат во отпадни води подолг временски период, дури и во хлорирана вода доколку има доволно органски отпад.
Може да биде подеднакво болен како и бактерискиот менингитис, но обично не е толку тежок и не се заканува со оштетувања во иста мера како бактерискиот менингитис. Пременингеалната фаза трае до еден ден кога се присутни слабост, поспаност, непријатност со можна дијареја и болки во грлото. После тоа се јавува покачена температура, главоболка, вкочанет врат, повраќање и болки во стомакот. По 3-7 дена, сите симптоми исчезнуваат и пациентот брзо закрепнува.
Дури 70 проценти од инфекциите се кај деца под петгодишна возраст.
Кај малите деца на возраст под 2 години, симптомите се помалку предвидливи. Треска, повраќање, раздразливост, грчеви во целото тело и напнатост на фонтанелата се најчестите симптоми, а вкочанетоста на вратот може и да отсуствува.
Третман
Бидејќи се работи за вирусно заболување, опциите за третман се ограничени, па затоа во повеќето случаи се третира симптоматски. Главно се даваат лекови против болки и антиинфламаторни лекови.
