Агенцијата за храна и лекови на САД (ФДА) итно одобри лек против коронавирус од „Ели Лили и Компани“ базиран на комбинација на антитела.
Според резултатите од доцната фаза на тестирање на лекот, потврдено е дека терапијата со препаратот на оваа компанија се базира на примена на две антитела кои го намалуваат ризикот од тешки форми на заболување и смрт кај пациенти со COVID-19 за 70 проценти, пренесува „Ројтерс“.
„Употребата на овој препарат е дозволена за третман на умерени и средно тешки симптоми кај пациенти на возраст од 12 години и постари кои се изложени на ризик или се веќе хоспитализирани“, стои во соопштението на американската компанија.
