Ниту една социјална мрежа не е безбедна, но истражувањето на британското Здружение за заштита на децата од насилство, покажало дека “Инстаграм“ е најопасен.
Оваа мрежа, предупредуваат истражувачите, најмногу им оди во прилог на педофилите, па така полицијата во Англија и во Велс за период од шест месеци забележала 2.000 инциденти со сексуална конотација во кои биле вклучпени деца. Ниту Фејсбук не е безопасен, но моментално сепак “заостанува“ во споредба со оваа мрежа.
Полициските извештаи откриле дека седум од 10 жртви, се девојчиња на возраст од 12 до 15 години. Се случувало во замка да паднат и помлади корисници на “Инстаграм“.
Од Националната агенција за борба против криминал, наведуваат дека платформите кои ги користат децата и младите мораат да имаат механизми за спречување на сомнителни и опасно однесување на интернет. Но, Питер Ванлес, директор на Здружението за заштита на децата од насилство, вели дека социјалните мрежи не ги почитуваат парвилата.
“Податоците покажуваат дека децата не можат да бидат безбедни на социјалните мрежи. Не смееме да чекаме да се случи трагедија. Компаниите мора да реагираат“, предупредува Валнес.
