Детската игра често може да заврши со солзи или повреди, во тоа и сами сме се увериле додека сме растеле. Ранети колена, модринки и гребаници на лицето или рацете не се ништо необично во животот на детето. Затоа, не паничете ако видите малку крв, санирајте ги со помош на овие совети. Итна реакција е потребна само во ситуација кога детето има таква повреда што обилно крвари. Тогаш, нагласуваат лекарите д-р Керол Купер и д-р Пола М. Елбирт, отидете во болница.
Како да ги санирате исекотините и гребаниците?
- Измијте ги рацете
- Иисплакнете ја раната или избришете ја областа околу неа со антисептичко марамче или памучна вата и топла вода
- Отстранете ја преостанатата прашина или каменчиња
Кога треба да посетите лекар?
- Ако во раната остане парче туѓ предмет
- Ако детето има голема, длабока или неправилна рана
- Ако има голема рана на лицето
- Аако има рана или гребнатинка што е многу валкана
- Има убодна рана предизвикана од валкан или рѓосан предмет
Што да направите во случај на тешко крварење?
- Притиснете ја раната и подигнете го екстремитетот над нивото на срцето на детето за да го намалите крварењето (на пример, ако повредата е на раката, подигнете ја во воздух, над нивото на срцето)
- Завиткајте ја раната со чиста газа и прицврстете ја со завој
- Ако се сомневате во шок, легнете го детето, а повредениот дел држете го подигнат
- Јавете се на лекар или повикајте брза помош
