Знаеме дека името може да биде поврзано со успехот во животот, но што е со датумот на раѓање? Дали датумот на раѓање може да влијае на успехот во животот е прашање што интересира многумина, а одговорот ќе ве изненади! Истражувачите од „MyHeritage“ се обидоа да најдат одговор на ова прашање. Тие ги попишаа датумите на раѓање на илјадници добитници на бројни престижни награди за да откријат кои датуми најверојатно носат успех, пренесува „The Sun“.
Станува збор за добитници на Греми, Оскари, Мишелин ѕвезди, Златен глобус, Пулицерова награда, Нобелова и Букерова награда, Златна палма, како и освојувачи на Светските првенства и олимписки медали.
Од 365 дена во годината, 30 април се покажал како датум што дал најмногу победници. На овој датум се родиле 11 победници, меѓу кои и оскаровката Клорис Личман, една од најпознатите актерки во историјата. Други познати личности родени на овој датум се Тревис Скот, Гал Гадот и Кирстен Данст.
Вториот датум на раѓање поврзан со најмногу освоени награди и признанија е 27 април. Вкупно осум од 1.000 анализирани луѓе се родени на тој датум. Тука спаѓаат победничката на Греми, Лизо, добитничката на Златен глобус, Сали Хокинс, како и двајца готвачи со Мишелин ѕвезди – Мартин Берасатеги и Леа Линстер.
Се чини дека април е навистина посебен месец! Во тој месец се родиле најуспешните луѓе, дури 99 од 1000. Меѓу нив се и Ема Томпсон, Барбра Стрејсенд, Ема Вотсон и Викторија Бекам. 20 јануари, 23 и 26 март и 29 април се исто така датумите што се најдоа на списокот на датуми на кои се родени најмногу победници.
Месецот ноември го зазеде второто место со 94 победници. Меѓу нив се Ен Хатавеј и Гордон Рамзи. Март е на третото место, со 92 добитници. Мараја Кери и Квентин Тарантино се родени овој месец. Месецот со најмалку добитници на награди и номинирани е февруари, во кој се наведени 58 од нив, меѓу нив и португалските фудбалери Роналдо и Пепе. Вториот најмалку успешен месец е декември, со само 71 добитник на награди родени во тоа време од годината.
