Кога бебето ќе дојде на свет, мораме да се погрижиме да му биде добро, да е секогаш нахрането, со чисти пелени, смирено. Една од најважните работи за кои секогаш мора да се погрижиме е тоа собата на бебето да биде доволно топла, особено во зимскиот период, за мирно да може да спие и да и биде удобно и пријатно.
Обично се препорачува температурата на собата каде спие бебето да биде од 16 до 20 степени Целзиусови. Иако се чини дека тоа е можеби малку студено, стручњаците велат дека тоа е најбезбедно и најпријатно за бебешкиот сон.
Како да ја загреете собата на бебето?
Не е препорачливо парното да биде вклучено постојано. Доколку е студено, загрејте ја просторијата така што ќе вклучите на пониска температура. Добро е да имате во таа просторија термостат или термометар за да следите колкава е температурата на воздухот во текот на зимските месеци. Креветчето не треба да биде во близина на прозор или место од каде што дува. Воздухот не треба да биде сув, па затоа обрнете внимание.
Како да знаете дали му е студено на бебето?
Понекогаш, и покрај тоа што се сте обезбедиле, не сте сигурни дали на бебето му е премногу топло или премногу студено. Најдобриот начин да проверите дали му е студено или топло е преку стомакот или вратот. Не ги проверувајте рацете и стапалата, бидејќи тие не ја покажуваат вистинската телесна темература.
Кога бебето треба да легне да спие?
Капењето пред спиење е многу убав начин бебето да се загрее и смири, а тоа му е и сигнал дека е време за спиење. По капењето, веднаш избришете го и облечете го бебето. Најдобро би било половина час после капењето да спие, бидејќи во спротивно ќе се разигра. Најдобро е да биде облечено во боди, односно шпихозни што ги покриваат и стапалата и рацете.
