Јапонските истражувачи направија симулација со помош на суперкомпјутер како се шири коронавирусот, која покажува дека распоредот на седење на иста маса во ресторан може во голема мера да влијае на ширењето на инфекцијата.
Симулацијата ја покажува емисијата и токот на аеросоли кога четири лица седат на маса и разговараат без заштитни маски. Кога заразено лице разговара со луѓето кои седат спроти него и се без маска, лицето што седи директно свртено кон заразеното лице вдишува четири пати повеќе аеросоли од она кое се наоѓа дијагонално од него.
Лицето што седи покрај заразениот субјект има најголем ризик да се зарази со коронавирус. Кога лице заболено со вирусот ќе се сврти настрана да поразговара со лицето кое седи до него, „соседот“ на масата вдишува пет пати повеќе аеросоли од оној кој седи спроти него, пренесува „Форбс“.
Уште една важна работа која ја открива јапонското истражување е дека влажноста на воздухот може многу да влијае врз ширењето на вирусот преку аеросолите. Истражувачите дошле до заклучок дека помалку капки се „исфрлаат“ кога влажноста е поголем
Истражувањето, исто така, имплицира дека ризикот од инфекција значително се намалува кога луѓето кои седат на иста маса носат маски за време на разговорот, односно ги ставаат повторно кога ќе завршат со јадењето.
„Кога луѓето кои имаат COVID-19 кашлаат, киваат, пеат, зборуваат или дишат, произведуваат респираторни капки. Тие можат да бидат големи и мали, а оние со помал обем можат да формираат честички кога ќе се исушат, се наведува во објаснувањето на Американскиот центар за контрола и превенција на болести.
Друга важна работа која ја открива јапонското истражување е дека влажноста на воздухот може многу да влијае врз ширењето на вирусот преку аеросолите. Истражувачите дошле до заклучок дека помалку капки се „исфрлаат“ кога влажноста е поголема, што сугерира дека употребата на уред за зголемување на влажноста може да ги ограничи инфекциите доколку не е можно да се проветри просторијата со отворање на прозорецот.
