Колострумот е првото млеко кое сосема оправдано се нарекува и „прва вакцина“. Почнува да се создава во градите на мајката за време на бременоста. Се излачува во првите неколку дена по породувањето, кога е неопходно на бебето да му се обезбеди изобилство на хранливи материи потребни за квалитетен раст и развој.
Колострумот не изгледа како обично мајчино млеко. Текстурата е многу погуста, малку дури и леплива. Бојата на колострумот варира од бледо жолта до скоро портокалова боја.
Покрај тоа што обезбедува апсолутно се што му е потребно на вашето бебе во првите денови, колострумот навистина делува и како лек. Поради антителата што ги содржи, тој директно го зајакнува имунитетот на вашето бебе. Колострумот е богат со протеини, минерали и имуноглобулин, што го прави бебето заштитено од бројните вируси и бактерии на кои е изложено во средината веднаш по раѓањето.
Колку вашето тело ќе произведе колострум е индивидуално и зависи од трудница до трудница и е невозможно да се предвиди. Најпрво се само неколку капки, а подоцна околу дваесет милилитри. Се разбира, оваа количина може да варира и до неколку пати повеќе. Количините не се пресудни, туку неговата хранлива вредност
Производството на колострум започнува доста рано во текот на бременоста, па затоа е можно бремената жена уште во четвртиот месец од бременоста да забележи како колострумот излегува од нејзините гради. Ова е всушност сосема нормално. Со употреба на памучни влошки за гради, нема ни да забележите дека започнало производство на колострум.
Колострумот генерално исчезнува околу 4. или 5. ден по раѓањето на бебето. Тогаш постепено преоѓа во таканаречено преодно млеко, што е значително повеќе количински за разлика од колострумот.
Колку вашето тело ќе произведе колострум е индивидуално и зависи од трудница до трудница и е невозможно да се предвиди. Најпрво се само неколку капки, а подоцна околу дваесет милилитри. Се разбира, оваа количина може да варира и до неколку пати повеќе.
Количините не се пресудни, туку неговата хранлива вредност. Бидејќи тукушто родените бебиња имаат многу мал желудник и не можат да примаат многу храна, многу е важно храната да биде што поквалитетна за да му ги обезбеди на бебето потребните хранливи материи.
Голема предност на колострумот е и неговата лесна сварливост. Бидејќи дигестивниот систем на бебето честопати бара продолжување на развојот и по раѓањето, само лесно сварлива храна нема да му предизвика дигестивни проблеми и грчеви. Покрај тоа, колострумот има и лаксативно дејство што ќе му помогне на бебето да се ослободи и од вишокот на билирубин од телото и да ја избегне појавата на жолтица.
