Се чини дека комбинирана вакцина ќе биде достапна наесен за да обезбеди дополнителна заштита од варијантите на омикрон.
Тоа е она што го откриваат од Модерна и изгледа дека таа вакцина ќе биде главен кандидат за бустер вакцина оваа есен. Но, некои сè уште се прашуваат дали треба да примат бустер вакцина веднаш или да чекаат, односно кога е вистинскиот тајминг? WebMD донесува одговори на некои од најчестите прашања во врска со дополнителната доза на вакцината.
- АКО НЕОДАМНА СТЕ ЈА ПРЕЛЕЖАЛЕ БОЛЕСТА, ДАЛИ ТРЕБА ДА ПРИМИТЕ ДОПОЛНИТЕЛНА ВАКЦИНА?
Според ЦДЦ, најдобро е да се почека симптомите да исчезнат пред да се прими дополнителна доза од вакцината. Некои експерти сметаат дека е најдобро да се почека 3 месеци откако ќе се повлечат симптомите на болеста.
- ТРЕБА ЛИ ДА СЕ ПРИЧЕКА СО ВТОРАТА БУСТЕР ДОЗА ДО ЕСЕН?
Хана Њуман, директорка на одделот за заразни болести во болницата „Ленокс“ во Њујорк советува што поскоро да ја земете вакцината бидејќи се зголемува бројот на заразени, па најдобро е да се вакцинирате за да стекнете антитела. Д-р Амеш Адаља наведува дека е потребно да се почека 7 дена за да се развијат антитела и имунолошкиот систем да реагира на вирусот.
- ДАЛИ ПО ВТОРАТА БУСТЕР ДОЗА ЌЕ СЕ ПОЈАВАТ НОВИ СИМПТОМИ?
Д-р Хана Њуман вели дека несаканите ефекти во овој случај може да варираат од личност до личност, но додава дека тие сигурно ќе траат кратко и ќе можат да се ублажат со лекови. Температура, болки во телото и отечени лимфни јазли се некои од симптомите на реакцијата на имунолошкиот систем на вакцината.
- ДАЛИ ИМУНОКОМПРОМИТИРАНИТЕ ЛИЦА ТРЕБА ДА ПРИМАТ ВТОРА БУСТЕР ДОЗА?
Американската агенција за лекови одобри дополнителна бустер вакцина за сите постари од 50 години, но и за оние постари од 12 години, доколку се работи за лице чиј имунитет е загрозен.
- КАКО ДЕЛУВА НОВАТА ВАКЦИНА НОВАВАКС?
Станува збор за вакцина чија основа се протеините, а таквите вакцини се користат со децении. Вакцините против хепатитис Б и ХПВ исто така се базирани на протеини. Тие се разликуваат од вакцините базирани на mRNA на Модерна и Фајзер, кои му наложуваат на телото да произведе протеин за да може имунолошкиот систем да се потпре на него и да го препознае во иднина. Вилијам Шафнер, професор по превентивна медицина на Универзитетот Вандербилт, вели дека невакцинираните Американци најверојатно ќе ја примат вакцината Новавакс доколку се скептични за вакцините mRNA бидејќи таа е направена со традиционални методи.
