Бројот на деца заболени од КОВИД-19 е помал, но тие сепак може да бидат заразени со новиот коронавирус и исто така да го шират и да заразат други лица. Децата, како и возрасните може да немаат симптоми, а да бидат заразени.
Повеќето деца сепак имаат благи симптоми или воопшто ги немаат. Но, исто така некои од нив може да развијат и тешки симптоми и сериозно да се разболат, да завршат во болница, на интензивна нега или респиратор кој ќе им помогне при дишењето. Во ретки случаи може да дојде и до смртен исход. Центарот за превенција и контрола на болести на САД во моментов го проучува реткиот, но сериозен медицински синдром кој се нарекува Мултисистемски воспалителен синдром (MIS-C).
Во моментов не се знае што го предизивикува и кој е во ризична група. Синдромот може да биде опасен, дури и смртоносен, но повеќето деца на кои им е дијагностицирана оваа состојба се опоравиле по укажана лекарска помош.
Децата помлади од една година, а кои веќе имаат одредени здравствени проблеми, се чини дека припаѓаат во ризична група, во смисол на потешко заболување од КОВИД-19. Останатите деца, без оглед на возраста, а кои имаат некои посточеки здравствени состојби може исто така да бидат во ризична група.
- Астма или хронична болест на белите дробови
- Дијабетес
- Генетски, невролошки или метаболички состојби
- Болест на српести клетки
- Болести на срцето
- Ослабен имунитет како последица на одредени состојби
- Дебелина
Оваа листа не го вклучува секој проблем кој може да го зголеми ризикот од потешка форма на болеста кај детето. Како ќе стигаат нови информации, така ќе ве информираме.
Доколку кај вашето дете веќе постои одредена медицинска состојба, погрижете се со лекар да разговарате за нив.
Симптомите на болеста се многу слични кај децата и кај возрасните и многу потсетуваат на некои други болести, како воспаление на грло, настинка или алергија.
Вообичаените симптоми на болеста кај децата се температура и кашлица, но може да вклучуваат и:
- Треска
- Кашлица
- Затнат нос
- Губење на вкус и мирис
- Болка во грлото
- Тешкотии при дишењето
- Пролив
- Замор
- Стомачна болка
- Главоболка
- Болки во мускулите и коските
- Слаб апетит
ШТО МОЖЕ ДА НАПРАВИТЕ?
Внимателно следете ги симптомите, а посебно обрнете внимание на:
- Треска
- Воспалено грло
- Кашлица што го отежнува дишењето
- Дијареа, повраќање или абдоминална болка
- Тешка главоболка, особено ако е придружена со висока температура
- Бидете внимателни со кого вашето дете доаѓа во контакт
