Многу родители првата средба со своето дете ја опишуваат како љубов на прв поглед. И научниците денес потврдуваат дека промената што се случува во мозокот кога ќе добиеме дете е многу слична на онаа кога ќе се заљубиме. Ова обично е поизразено кај младите мајки, чиј мозок почнува да се менува веќе за време на бременоста.
Промените се видливи и во хормоните и во мозокот. Нивото на окситоцин, кој е одговорен за создавање на врската помеѓу мајката и новороденчето кај сите цицачи, драстично се зголемува за време на бременоста и по породувањето, а колку повеќе е мајката ангажирана во грижата за бебето, порастот на окситоцинот е поголем, вели неврологот Рут Фелдман
Докажано е дека промените се случуваат во различни делови на мозокот, сивата материја се згуснува, а мозочната активност се зголемува во областите одговорни за сочувство, анксиозност и социјални интеракции. Токму благодарение на овие промени, како и на напливот на хормони за време на бременоста и по породувањето, младата мајка е толку маѓепсана од своето бебе, а заедно со неописливата мајчинска љубов, се јавуваат и силни заштитнички пориви и постојана загриженост.
Чувствителни на потребите на бебето
Неколку меѓусебно поврзани региони на мозокот се одговорни за мајчинските чувства и однесување. Посебно место меѓу нив има амигдалата, неврони во облик на бадем поврзани со емоционални реакции како страв, анксиозност и агресија. Во нормален мозок, активноста во амигдалата се зголемува во неделите и месеците по раѓањето на детето.
Истражувачите сметаат дека овој раст на амигдалата, поддржан од коктел од хормони, е поврзан со однесувањето на младите мајки и ги прави исклучително чувствителни на потребите на нивното бебе. Истражувањата покажаа дека активноста во амигдалата е поврзана со силните чувства на мајката спрема сопственото бебе, во споредба со другите бебиња.
Сето ова е поврзано и со хормоните кои ја преплавуваат амигдалата, која сега има и повеќе хормонски рецептори за хормони како што е окситоцинот, кој почнува засилено да се лачи за време на бременоста и особено по породувањето, а потоа и за време на доењето.
„Промените се видливи и во хормоните и во мозокот. Нивото на окситоцин, кој е одговорен за создавање на врската помеѓу мајката и новороденчето кај сите цицачи, драстично се зголемува за време на бременоста и по породувањето, а колку повеќе е мајката ангажирана во грижата за бебето, порастот на окситоцинот е поголем“, вели неврологот Рут Фелдман.
