Модринките и лезиите на нозете може да бидат знак на коронавирус, се сомневаат лекарите во Шпанија.
Пациенти со длабоки виолетови модринки на прстите на нивните нозе, слични на сипаници, се тестирани позитивно на смртоносната инфекција.
Во Шпанија се пријавени „бројни случаи“, исто како и во Италија и во Франција, во моменти додека болеста продолжува да беснее низ цела Европа.
„Би било далеку од изненадување ако се испостави дека е точно дека КОВИД-19 предизвикува симптоми на кожата. Многу вируси предизвикуваат осип на кожата и знаци. Вирусите имаат тенденција да влијаат на повеќе делови од телото, а не само на еден систем, иако во случајот на КОВИД-19 секако белите дробови се оние кои се најтешко погодени, вели д-р Даниел Гордон од NHS
Еден од првите пријавени случаи е 13-годишно момче во Италија, чии лезии, за кои првично се сметало дека се предизвикани од каснување од пајак – добиле црна боја и кора.
Експертите предупредуваат дека мистериозниот симптом првенствено е забележан кај деца и тинејџери.
Манифестациите на кожата потенцијално предизвикани од вирусот се забележани кај еден од пет пациенти во италијанска болница.
Обично, вирусот SARS CoV-2 предизвикува постојана кашлица и треска. Но, неодамна истражувањата предупредија и на дијареја, знаци на кожата, болка во тестисите и губење на вкус и мирис како „атипични“ знаци. Голем број на луѓе кои се заразиле со КОВИД-19, исто така, доживуваат главоболки и вртоглавица, според студија во Кина
Шпанскиот „General Council of Official Podiatrist Colleges“ сподели изјава во која го објави новиот наод.
Во него се опишани пациенти кои имале виолетови лезии, многу слични на оние на сипаници, кои обично се појавуваат на нозете. Истите симптоми „се повеќе се откриваат кај пациенти со COVID-19, особено кај деца и адолесценти. Знаците на кожата, исто така, се забележани и кај возрасните и нормално заздравуваат без да остават лузни или слично.
„General Council of Official Podiatrist Colleges“ кој брои 7.500 членови, соопшти дека се свесни за слични откритија и во Италија и Франција.
Медицинските експерти во Шпанија сега собираат база на податоци за луѓе кои се позитивни на вирусот, а истовремено имаат и знаци на нозете.
Шпанскиот „General Council of Official Podiatrist Colleges“ препорача ако се забележат вакви знаци на кожата кај децата – да се стават во карантин, но не и да се постапува „алармантно“.
International Federation of Podiatrists (FIP-IFP) извести за еден од првите случаи на симптомот кај 13-годишно момче од Бари, јужна Италија. Имено, лекарите му ги припишувале виолетовите, округли лезии на неговите прсти од нозете на каснување од пајак и го испратиле дома со лекови на 8 март.
Тинејџерот развил треска, болка во мускулите, главоболка и интензивно чешање на нозете два дена подоцна.
Откако почнале да кружат слики на социјалните мрежи со лезии на нозете кај пациентите со КОВИД-19 и меѓу дерматолозите, лекарите се посомневале дека момчето можеби ја има болеста.
Откако ја проучиле медицинската историја на неговото семејство, тие откриле дека неговата сестра и мајка имале треска, кашлица и потешкотии при дишењето шест дена пред тој да ги добие лезиите.
Како и да е, д-р Даниел Гордон од NHS, изјави за MailOnline: „Би било далеку од изненадување ако се испостави дека е точно дека КОВИД-19 предизвикува симптоми на кожата. Многу вируси предизвикуваат осип на кожата и знаци. Вирусите имаат тенденција да влијаат на повеќе делови од телото, а не само на еден систем, иако во случајот на КОВИД-19 секако белите дробови се оние кои се најтешко погодени.
„Овие откритија се само извештаи за случаи во моментов, а научниците треба да ја завршат големата работа и да откријат дали има сигнификантна поврзаност“, додаде д-р Гордон. (Дејли мејл)
