Бебињата кои се дојат подолго време се подобри мислители како тинејџери, сугерира истражувањето.
Студијата на повеќе од 7.800 британски деца ги истражувала оние кои биле хранети со мајчино млеко помалку од два месеца, два до четири месеци, четири до шест месеци или повеќе од една година.
Светската здравствена организација ги советува мајките исклучиво да го дојат своето бебе најмалку шест месеци
Истражувачите откриле дека оние кои биле доени најдолго, над една година, биле најдобри на вокабуларните тестови на 14-годишна возраст во споредба со децата кои не биле доени.
Студијата, направена од експерти од Универзитетот Оксфорд, вели дека разликите во бодовите се еквивалентни на три IQ поени.
Во меѓувреме, децата кои биле доени четири до шест месеци постигнале најдобри резултати на тестот за меморија, расудување и просторна свест, во споредба со децата кои никогаш не биле доени, на возраст од седум и 11 години.
Доењето било поврзано со „скромно“ зголемување на интелигенцијата на децата дури и кога се земале предвид интелигенцијата на нивната мајка и нивните социо-економски околности.
Студијата, направена од експерти од Универзитетот Оксфорд, вели дека разликите во бодовите се еквивалентни на три IQ поени
Светската здравствена организација ги советува мајките исклучиво да го дојат своето бебе најмалку шест месеци. Но, само околу 48 отсто од британските и 52 отсто од американските мајки дојат толку долго.
Д-р Рене Перејра-Елијас, кој ја предводеше студијата од Универзитетот во Оксфорд, рече: „Овие резултати не треба да предизвикаат загриженост кај жените кои не доеле или не биле во можност да дојат, бидејќи потенцијалните добивки во коефициентот на интелигенција кај децата кои доеле неколку месеци во споредба со деца кои никогаш не се доени би било еквивалентно на два до три поени.“
„Меѓутоа, ако многу деца, во просек, го зголемат својот коефициент на интелигенција за околу три поени, би можеле да видиме важни разлики. Затоа, важно е на жените кои сакаат да дојат да им се даде поддршка да го сторат тоа.“
Мајчиното млеко содржи полинезаситени масни киселини и хранливи материи како железо кои помагаат во развојот на детскиот мозок. Експертите велат дека тоа, исто така, предизвикува децата да имаат помалку инфекции и болести, што може да помогне во нивната интелигенција бидејќи имаат помалку денови на отсуство од училиште.
Студијата е објавена во списанието „Plos ONE“, заклучува дека подолгото доење може да ја зајакне интелигенцијата на децата исто колку и паметна мајка или потекло од добро ситуирано семејство и „не треба да се потценува“, пишува „Дејли мејл“.
КОИ СЕ ПРИДОБИВКИТЕ ОД ДОЕЊЕТО?
Секое доење е корисно, но исклучивото доење на вашето бебе шест месеци нуди најголема корист за бебињата и мајките.
Придобивките за новороденчињата вклучуваат:
- Го намалува ризикот од инфекции, со помалку посети во болница како резултат на тоа, дијареја и повраќање, синдром на ненадејна смрт на доенчиња, дебелина и кардиоваскуларни болести во зрелоста;
- Ја намалува стапката на респираторни инфекции, инфекции на увото, градите и цревата;
- Може да ги намали шансите на бебето да добие леукемија во детството.
Придобивките за мајките се:
- Намалување на големината на матката: по раѓањето на бебето, матката постепено ќе се намалува, но доењето ќе помогне да се забрза тоа;
- Поврзување со новороденчето: доењето може да им помогне на мајките да ја зајакнат врската со своето бебе;
- Го заштитува здравјето: го намалува ризикот од рак на дојка, рак на јајници, слаби коски, дијабетес и кардиоваскуларни болести.
Извор: NHS
