Заразените мајки со КОВИД-19 може да им го пренесат вирусот на своите новороденчиња, открива нова мала студија.
Истражувачите од Кина испитале 33 новороденчиња чии мајки имале COVID-19, додека била бремени. Откриено е дека скоро 10 % од бебињата, односно три од нив, го имале вирусот, меѓу нив и бебе кое имало потреба од механичка вентилација, пишува „Дејли мејл“.
Сите три бебиња имале пневмонија, главната компликација на КОВИД-19. Сепак, само две имале треска, а третото бебе имало недостаток на здив и респираторен дистрес синдром
За потребите на студијата, којашто е објавена во „JAMA Pediatrics“, тимот ги испитал медицинските досиеја на 33 новороденчиња родени од жени позитивни на COVID-19. Сите жени биле од „Wuhan Children’s Hospital“ во Вухан, од каде што се верува дека потекнува вирусот.
Три од 33 бебиња, сите машки и родени со царски рез, биле дијагностицирани со вирусот.
Сите три бебиња имале пневмонија, главната компликација на КОВИД-19. Сепак, само две имале треска, а третото бебе имало недостаток на здив и респираторен дистрес синдром.
Првото бебе било родено во 40 гестациска недела, а почнало да се соочува со летаргија и треска на вториот ден по раѓањето. Откако РТ снимка на градите покажала знаци на пневмонија, било тестирано позитивно на вирусот. Сепак, до шестиот ден веќе било негативно.
Второто бебе, родено во 40 гестациска недела и 4 дена, исто така, почнало да се соочува со летаргија, треска и да повраќа веднаш по раѓањето. Било тестирано позитивно на КОВИД-19 на вториот ден, а на 6 ден веќе било негативно.
Третото новороденче, родено предвреме во 31 ГН и два дена, имало повеќе здравствени проблеми од другите две. Нему му била потребна механичка вентилација и антибиотици по појава на сепса, што е животозагрозувачка состојба во која имунолошкиот систем се напаѓа сам.
До седмиот ден веќе имало негативен тест на коронавирусот.
„Во согласност со претходните студии, клиничките симптоми на 33 новороденчиња со или на ризик од КОВИД-19 беа лесни, а резултатите беа поволни“, напишаа авторите на студијата.
Тие додадоа дека од трите бебиња родени со КОВИД-19, најсериозно болното новороденче можеби било симптоматско од предвременото раѓање, асфиксија и сепса, отколку од вирусна инфекција.
Тимот вели дека со оглед на тоа што лекарите спроведувале строга процедура за контрола на инфекцијата и превенција за време на породувањето, поверојатно е дека мајките го пренеле вирусот на своите бебиња или во матката или при породувањето.
- Линк до истражувањето ТУКА.
