Научни докази на Европската комисија: Дали воведувањето цврста храна пред шестиот месец е штетно за бебето

Европското тело за безбедност на храна ги извршило потребните анализи и дошло до неколку заклучоци кога е во прашање цврстата храна во исхраната на бебето.

Повеќето бебиња од нутритивни причини, има потреба за цврста храна околу шестиот месец, но нема прецизна старосна возраст кога сите деца во Европа би требало да започнат со цврста храна, оти тоа зависи од степенот на развој на секое бебе, заклучино Европското тело за безбедност на храната (EFSA).

На барање на Европската комисија, ова тело извршило сеопфатна евалуација на научните докази на оваа тема, со цел да одговори на прашањето дали тајминготна воведување на цврста храна влијае на детското здравје.

ЕК барала научен совет како би ја одредило возрста која може да стои на етикетите на детската храна со житарки и друга храна за бебиња, достапна во ЕУ.

Во анализата се наведува дека на повеќето новороденчиња не им треба т.н. комплементарна храна, пред навршување на шест месеци, оти доењето нуди доволно хранливи состојки до таа возраст. Но, бебињата кои се изложени на ризик од недостаток на железо може да имаат корист од комплементарна храна која е извор на железо, а која се внесува пред 6. месец.

Бебињата кои се на ниво на развој кој им овозможува воведување цврста храна, може да почнат со внесување на соодветна храна и пред шестиот месец, но тоа што бебето е подготвено да јаде нешто освен мајчино млеко или формула, не значи дека треба да почне со цврста храна.

Како што се наведува, помеѓу 3. и 4.месец некои бебиања веќе се подготвени да ја држат главата исправено. Нивниот рефлекс да исфрлаат храна од уста исто така почнува да се намалува на оваа возраст. Сепак, за внесување на храна и за голтање, потребно е повеќе време.

Помеѓу 5. и 7. месец, бебињата можат самостојно да седат, но за ефикасно џвакање и натаму треба време.

EFSA не нашла било какви докази кои покажуваат дека воведувањето на цврста храна во бебешката исхрана пред шестиот месец е штетно или корисно. Истиот заклучок важи и за внесувањето на храна со алергени, како јајца, Житарки, риба, кикирики и глутен.

Ако му се дава храна на бебе, треба да биде во соодветна форма за да се избегне гушење, да биде со адекватен нутритивен состанов и во согласност со националнитге препораки за храна, како што се избегнување сол, шеќер или непреработено кравјо млеко.