Меган Маркл и принцот Хари на Денот на вљубените – Св. Валентин, со црно-бела фотографија објавија дека очекуваат второ дете.
На фотографијата направена од нивниот пријател и долгогодишен фотограф Мисан Хариман, парот ужива во интимен момент во природа. Додека Хари широко и се насмевнува на Меган, таа со раката нежно го допира нејзиниот стомак.
Фустанот што го носи Меган има посебно значење. Имено, станува збор за долг фустан на Каролина Херера, кој е направен додека таа била бремена со своето прво дете, синот Арчи Харисон, кој ќе наполни две години на 6 мај.
И датумот на објавување на бременоста на славната двојка е посебен затоа што принцезата Дијана исто така ја објави својата втора бременост на Денот на вљубените, на 14 февруари 1984 година. Меган и Хари го избраа истиот датум, 37 години подоцна.
Маркл доживеа спонтан абортус минатиот јули, за кој зборуваше во искрен и потресен есеј за „Њујорк Тајмс“ на 25-ти ноември. „Да се изгуби дете значи да носиш скоро неподнослива тага што ја доживеале многумина, а за која малкумина зборуваат“, напиша таа.
