Анемија или недостаток на железо се јавува кај релативно голем број трудници, а многу од нив не ни знаат дека ја имаат се додека не ја проверат крвта. Имено, како што објаснуваат лекарите, недостатокот на железо често нема многу јасни симптоми, па бремените жени најчесто го мешаат со друга, помалку опасна состојба. Иако оваа појава сама по себе не е опасна за трудницата, може да биде опасна за нероденото бебе, пишува WebMD.
Иако е нормално да имате блага анемија за време на бременоста, ако не се лекува, може да го зголеми ризикот од сериозни компликации како што се предвремено породување или застој во развојот
За време на бременоста, телото произведува повеќе крв за да го поддржи растот и развојот на бебето. Меѓутоа, ако бремената жена не внесува доволно железо или некои други хранливи материи, нејзиното тело нема да може да произведе количина на црвени крвни зрнца која е потребна за создавање дополнителна крв.
Иако е нормално да имате блага анемија за време на бременоста, ако не се лекува, може да го зголеми ризикот од сериозни компликации како што се предвремено породување или застој во развојот.
Во раните фази на анемија, повеќето бремени жени немаат очигледни симптоми, а кога ќе се појават, тоа се главно бледа кожа, усни и нокти, силно чувство на замор или слабост, вртоглавица, отежнато дишење, забрзана работа на срцето и проблеми со концентрација.
